Kalki 2898 AD: పాన్‌ ఇండియా హీరో ప్రభాస్ నటిస్తున్న తాజా చిత్రం ‘కల్కి 2898 ఏడీ’. నాగ్ అశ్విన్ డైరెక్షన్‌లో వస్తున్న ఈ సినిమా సైన్స్ ఫిక్ష‌న్ జాన‌ర్‌లో తెరకెక్కతుంది. ప్రభాస్ లుక్‌ మరియు అప్డేట్స్‌ ఈ సినిమాపై భారీ హైప్‌ని క్రియేట్‌ చేశాయి. ఈ మూవీ టైటిల్ ప్రకటించినప్పటి నుండి ప్రేక్షకుల్లో ఆసక్తినెలకొంది. తాజాగా ఈ టైటిల్ ‘కల్కి 2898 ఏడీ’ అని పెట్టడానికి గల కారణాన్ని నాగ్ అశ్విన్ వెల్ల‌డించాడు.
ఈ సినిమా భారతీయ పురాతన ఇతిహాసం మహాభారతం కాలం నుంచి ప్రారంభ‌మై 2898 సంవ‌త్స‌రంతో ఎండ్‌ అవుతుంది. గ‌తంతో మొదలై ఫ్యూచ‌ర్‌తో ముగుస్తుంది కాబట్టి ఈ టైటిల్ పెట్టాం. ఈ సినిమాలో మొత్తం 6000 ఏండ్ల మ‌ధ్య జ‌రిగే కథను చూపించబోతున్నాం. దానికి త‌గ్గ‌ట్లు ఓ సరికొత్త ప్రపంచాన్ని సృష్టించాం. అంటూ నాగ్ అశ్విన్ వెల్ల‌డించాడు. ఈ సినిమా మే 9న ప్ర‌పంచ‌వ్యాప్తంగా ప్రేక్ష‌కుల ముందుకురానుంది.
అత్యంత భారీ బడ్జెట్‌తో వైజయంతి మూవీస్ బ్యానర్‌పై అశ్వనీదత్ ఈ సినిమాను నిర్మిస్తున్నారు. ప్రభాస్, అమితాబ్‌, కమల్‌హాసన్‌, దీపిక పదుకొణే, దిశా పటానీ, పశుపతి లాంటి సూపర్‌స్టార్స్‌ ఈ సినిమాలో ప్ర‌ధాన పాత్ర‌లు పోషిస్తున్నారు. ప్ర‌స్తుతం ఈ సినిమా షూటింగ్ శ‌ర‌వేగంగా జరుగుతుంది.
