మెగాస్టార్ చిరంజీవి రీ ఎంట్రీ తరువాత వరుస సినిమాలు చేయడానికి సమాయత్తమవుతున్నారు. ఒకదాని తర్వాత మరొక చిత్రాన్ని సెట్స్ కి తీసుకువెళ్లేలా ఆయన ప్లాన్ చేసుకుంటున్నారు. ఈ క్రమంలో ప్రస్తుతం చేస్తున్న ‘ఆచార్య’ ఆయన తర్వాత డైరెక్టర్‌ బాబీతో ఓ సినిమా సెట్స్ కిపై వెళ్లడానికి ఎక్కువ ఆస్కారం వుంది. ఇప్పటికే బాబీ రూపొందించిన కథకు చిరు గ్రీన్ సిగ్నల్ ఇచ్చేశాడు. దీంతో పూర్తి స్క్రిప్టుకి తుది మెరుగులు దిద్దే పనిలో దర్శకుడు బాబీ ఉన్నాడు.
మరోపక్క ఈ చిత్రాన్ని ఎవరు నిర్మిస్తారన్న విషయంలో మాత్రం ఇంకా క్లారిటీ రాకపోయినప్పటికీ, మైత్రీ మూవీ మేకర్స్ సంస్థ దీనిని నిర్మించడానికి ఎక్కువ అవకాశాలు వున్నాయని తెలుస్తోంది. ఈ ప్రాజక్ట్‌కు ఈ సంస్థను బాబీ బాగా సిఫార్సు చేస్తున్నాడట. అయితే, ఈ చిత్ర నిర్మాణంలో మైత్రీ మూవీ మేకర్స్ తో పాటు మరో నిర్మాతను కూడా భాగస్వామ్యం చేసేలా చిరంజీవి యోచిస్తున్నట్టు తెలుస్తోంది. త్వరలోనే నిర్మాతల విషయంలో ఒక క్లారిటీ వస్తుంది.
