Munjya OTT:
Munjya అనేది మాడాక్ సూపర్‌నేచురల్ యూనివర్స్‌లో భాగంగా వచ్చిన లేటెస్ట్ హారర్ కామెడీ డ్రామా. భారీ అంచనాల మధ్య జూన్ 7, 2024న థియేటర్లలో విడుదలైంది. ఆదిత్య సర్పోట్దార్ దర్శకత్వం వహించిన ఈ చిత్రంలో శర్వరీ, అభయ్ వర్మ ప్రధాన పాత్రలు పోషించారు. ప్రేక్షకులను చాలా బాగా ఆకట్టుకున్న ఈ సినిమా, తీవ్ర పోటీలోనూ రూ. 100 కోట్ల నెట్ వసూళ్లను నమోదు చేసుకుంది.
సినిమా థియేట్రికల్ రన్ ముగియడంతో.. దీనికి సంబంధించిన ఓటీటీ విడుదలపై అభిమానులు ఆసక్తిగా ఎదురుచూస్తున్నారు. డిస్నీ ప్లస్ హాట్‌స్టార్‌లో స్ట్రీమింగ్ కోసం సిద్ధమవుతున్న Munjya సినిమా ఓటిటి లో కంటే ముందు టీవీలో ప్రసారానికి రెడీ అవుతున్నట్టు సమాచారం.
ఆగస్టు 24, 2024న రాత్రి 8 గంటలకు స్టార్ గోల్డ్‌లో ఈ సినిమా టెలివిజన్ ప్రీమియర్‌కు సిద్ధమవుతోంది. థియేటర్‌లో ఈ చిత్రాన్ని చూడలేని వారు, తమ ఇళ్లలోనే ఈ సూపర్ హిట్ మూవీని హాయిగా చూడచ్చు. అయితే అందరూ ముందు ఈ చిత్ర డిస్నీ ప్లస్ హాట్‌స్టార్‌లో విడుదల అవుతుంది అనుకున్నారు కానీ ఈ లోపు మున్జ్యా టీవీ ప్రీమియర్‌ రావడం అందరికీ షాక్ ఇచ్చింది.
ఈ చిత్రాన్ని దినేశ్ విజన్, అమర్ కౌశిక్ లు ఒక సాధారణ బడ్జెట్‌తో నిర్మించారు. అలాగే, సచిన్-జిగర్ యొక్క ఆకట్టుకునే సంగీతం ఈ సినిమాకు ప్రత్యేక ఆకర్షణగా నిలిచింది. ఈ సినిమా ప్రేక్షకులను భయపెడుతూ నవ్విస్తూనే ఆద్యంతం అలరించేలా ఉంటుంది. సినిమా డిజిటల్ రిలీజ్ గురించిన అప్డేట్ కూడా త్వరలో బయటకు రానుంది.
