బాలీవుడ్ పై సూపర్‌ స్టార్‌ మహేశ్‌ బాబు చేసిన కామెంట్స్‌ చర్చనీయాంశంగా మారాయి. ఇటీవలె మేజర్ మూవీ ప్రమోషన్స్ లో మాట్లాడిన మహేష్ తనను బాలీవుడ్ పరిశ్రమ భరించలేదు. కావున హిందీ సినిమాలు చేసి సమయం వృధా చేసుకోనని చెప్పడం హాట్ టాపిక్ గా మారింది. బాలీవుడ్ మీడియా మహేష్ వ్యాఖ్యలకు పెడర్ధాలు తీస్తున్న నేపథ్యంలో ఆయన స్వయంగా వివరణ కూడా ఇచ్చారు. తాజాగా మహేశ్‌ చేసిన ఈ వ్యాఖ్యలపై బాలీవుడ్ ప్రముఖ సీనియర్‌ నటుడు, నిర్మాత ముకేశ్‌ భట్‌ స్పందించారు.
అయన మాట్లాడుతూ.. ‘ఆయనకు కావాల్సిన సౌకర్యం బాలీవుడ్ ఇవ్వలేకపోవచ్చు అని అనుకోవడంలో తప్పులేదు. మహేశ్‌ ఎంతో ప్రతిభావంతుడు. ఆయన ప్రయాణాన్ని నేను గౌరవిస్తాను. అయన ఆల్రెడీ సక్సెస్‌ఫుల్‌ హీరో. మహేశ్‌ అంచనాలని బాలీవుడ్ అందుకోలేకపోవచ్చు అనడం ఆయన వ్యక్తిగత అభిప్రాయం. అయితే అందులో ఎటువంటి తప్పు లేదు’ అని పేర్కొన్నారు. ప్రస్తుతం ఈ కామెంట్స్‌ నెట్టింట వైరల్‌గా మారాయి.
