Mr Bachchan release date:
మాస్ మహారాజా రవితేజ గత కొద్ది రోజులుగా వరుస డిజాస్టర్ లతో సతమతమవుతున్నారు. చేసిన ప్రతి సినిమా బాక్స్ ఆఫీస్ వద్ద ప్లాప్ అవుతుంది తప్ప ఒక్క సినిమా కూడా సరిగ్గా ఆడటం లేదు. అయితే ప్రస్తుతం రవితేజ అభిమానులతో పాటు రవితేజ కూడా తన ఆశలన్నీ మిస్టర్ బచ్చన్ సినిమా మీదనే పెట్టుకున్నారు.
హరీష్ శంకర్ దర్శకత్వం వహించిన ఈ సినిమా ఆగస్టు 15న థియేటర్లలో విడుదల కాబోతోంది. అయితే సినిమా ఎలా ఉంది అనే విషయం పక్కన పెట్టేస్తే సినిమా విడుదలయ్యే రోజు రవితేజ కి బాగా కలిసి వస్తుందని సినిమా కచ్చితంగా హిట్ అవుతుంది అని అభిమానులు బల్ల గుద్ది చెబుతున్నారు.
దానికి కారణం యంగ్ హీరో రామ్ పోతినేని. వివరాల్లోకి వెళితే రామ్ హీరోగా నటించిన డబుల్ ఇస్మార్ట్ ఆగస్టు 15న విడుదల కి సిద్ధం అవుతుంది. రవితేజ రామ్ మధ్య క్లాష్ రావడం ఇది మొదటిసారి కాదు. 2021 సంక్రాంతి సమయంలో కూడా రామ్ రెడ్ సినిమా తో పాటు రవితేజ క్రాక్ సినిమా క్లాష్ అయింది.
కానీ క్రాక్ సినిమా బ్లాక్ బస్టర్ అయిన సంగతి తెలిసిందే. ఈ నేపథ్యంలో రామ్ వర్సెస్ రవితేజ వస్తే రవితేజ సినిమా ఖచ్చితంగా హిట్ అవుతుంది అని అభిమానులు సెంటిమెంట్ గా చెబుతున్నారు. అయితే ఇద్దరు హీరోలకి సినిమా హిట్ అవ్వడం చాలా కీలకం కాబోతోంది. మరి ఎవరి సినిమా ఎక్కువగా ప్రేక్షకులను ఆకట్టుకుంటుందో వేచి చూడాలి.
మిస్టర్ బచ్చన్ సినిమా మీద కంటే పూరి జగన్నాథ్ దర్శకత్వం వహిస్తున్న డబుల్ ఇస్మార్ట్ సినిమా పైన అంచనాలు కొంచెం ఎక్కువగా ఉన్నాయని చెప్పవచ్చు. పైగా డబుల్ ఇస్మార్ట్ అనేది రామ్ బ్లాక్ బస్టర్ సినిమాలలో ఒకటైన ఇస్మార్ట్ శంకర్ సినిమాకి సీక్వెల్. కాబట్టి సినిమా మీద ఎక్కువగానే అంచనాలు ఉంటాయి. మరి రవితేజ అభిమానులు నమ్ముతున్న సెంటిమెంట్ వర్క్ అవుతుందా లేదా తెలియాలంటే మరి కొద్ది రోజులు ఎదురు చూడాలి.
