జ్ఞానేశ్వరి కండ్రేగుల, శైలేష్ సన్ని జంటగా అశోక్‌ దర్శకత్వంలో తెరకెక్కిన చిత్రం ‘మిస్టర్‌ అండ్‌ మిస్‌’, పూర్తిగా కొత్తవారితో క్రౌడ్‌ ఫండెడ్‌ మూవీగా వస్తోన్న ఈ చిత్రం ప్రస్తుతం పోస్ట్‌ ప్రొడక్షన్‌ పనులను జరుపుకుంటోంది. ఇప్పటికే చిత్రం నుంచి విడుదలైన ఫస్ట్‌లుక్‌ పోస్టర్‌, టీజర్‌కు మంచి స్పందన వచ్చింది. చిత్ర ప్రమోషన్లలో భాగంగా మూవీ ట్రైలర్‌ను ‘మహానటి’ దర్శకుడు నాగ్‌ అశ్విన్‌ విడుదల చేశారు.
యూత్‌కు ఆకర్షించే కంటెంట్‌తో ఈ ట్రైలర్‌ ప్రస్తుతం సోషల్‌ మీడియాలో వైరల్‌ అవుతోంది. 128 సెకన్ల నిడివి గల ట్రైలర్‌లో.. హీరో హీరోయిన్ల మధ్య ప్రేమ, రొమాన్స్‌, మనస్పర్థలు, బ్రేకప్‌ వంటి అంశాలను జోడించారు. అంతేకాకుండా లవ్‌లో ఉన్నప్పుడు ప్రేమజంట మధ్య వచ్చే డైలాగ్‌లు, ఓ మొబైల్‌ మిస్‌ అవడం దాని కోసం అన్వేషించడం, హీరో యాక్షన్‌ సీన్స్‌తో ఓ ఫుల్‌ పవర్‌ ప్యాక్‌ ట్రైలర్‌ను చిత్ర బృందం విడుదల చేసింది. రీడింగ్‌ ల్యాంప్‌ క్రియేషన్స్‌ నిర్మిస్తున్న ఈ చిత్రానికి యశ్వంత్‌ నాగ్‌ సంగీతమందిస్తున్నాడు.
https://youtu.be/Pd6K4xNhB9k
