OTT releases this week:
ఆగస్టు పూర్తి కావచ్చింది. పెద్ద హీరోల సినిమాలు కంటే.. ఈనెల చిన్న సినిమాలకే ఎక్కువగా వర్కౌట్ అయింది అని చెప్పుకోవచ్చు. మరి ఆగస్టు ఆఖరి వారంలో.. ఏ సినిమాలు ప్రేక్షకులను ఆకర్షిస్తాయో వేచి చూడాలి. దానికంటే ముందు ఈవారం అటు OTT లో ఇటు థియేటర్లో విడుదల కాబోతున్న సినిమాలు ఏంటో చూద్దాం.
బడ్డీ (Buddy):
అల్లు శిరీష్ హీరోగా నటించిన బడ్డీ సినిమా విభిన్న కాన్సెప్ట్ తో ఈ మధ్యన థియేటర్లలో విడుదలైంది. కానీ ప్రేక్షకులను పెద్దగా అలరించలేకపోయింది. అయితే ఈ సినిమా ఇప్పుడు ఓటీటీలో విడుదల కి సిద్ధం అవుతుంది. ఆగస్టు 30 నుంచి ఈ సినిమా నెట్ఫ్లిక్స్ లో స్ట్రీమ్ కాబోతోంది. సినిమా థియేటర్లలో హిట్ అవ్వకపోయినా.. ఓటీటీలో ఒకసారి చూడదగ్గ సినిమా అని చెప్పుకోవచ్చు. మరి ఓటీడీలో ఈ సినిమాకి ఎంతవరకు మంచి రెస్పాన్స్ అందుతుందో చూడాలి.
పురుషోత్తముడు (Purushottamudu):
ఈమధ్య హీరో రాజ్ తరుణ్ పేరు సినిమాల కారణంగా కంటే.. ఎక్కువగా వినిపిస్తోంది. ఒకవైపు పోలీస్ కేసులు, ఇంకోవైపు సోషల్ మీడియాలో రచ్చ మధ్య రాజ్ తరుణ్ హీరోగా నటించిన పురుషోత్తముడు సినిమా చాలా సైలెంట్ గా విడుదలై అంతే సైలెంట్గా థియేటర్ల నుంచి వెళ్ళిపోయింది. ఇప్పుడు ఆ సినిమా ఆగస్టు 29 నుంచి.. ఆహా లో స్ట్రీమ్ కాబోతోంది. థియేటర్లలో ఏమాత్రం గోల చేయలేకపోయినా ఈ సినిమా ఓటీటీలో ఎంతవరకు ఆకట్టుకుంటుందో వేచి చూడాలి
సరిపోదా శనివారం (Saripodhaa Sanivaaram):
నాచురల్ సార్ నాని హీరోగా నటించిన ఈ సినిమా.. ఆగస్టు 29న థియేటర్లలో విడుదల కాబోతోంది. ప్రియాంక మోహన్ హీరోయిన్గా నటించిన ఈ సినిమాకి వివేక్ ఆత్రేయ దర్శకత్వం వహించారు. ఎస్ జే సూర్య కిరాక్ పాత్రలో కనిపించనున్న ఈ యాక్షన్ డ్రామా మీద మంచి అంచనాలు ఉన్నాయి. భారీ బడ్జెట్ తో తెరకెక్కుతున్న ఈ సినిమా ఎంతవరకు ప్రేక్షకులను అలరిస్తుందో వేచి చూడాలి.
