కరోనా వైరస్‌పై సినీ పరిశ్రమ దృష్టి పడింది. ఈ వైరస్‌ ఆధారంగా ఓ పాన్‌ ఇండియా సినిమా తీయాలని క‌న్నడ దర్శకుడు ఉమేశ్ భనకర్ ఏర్పాట్లు చేసుకుంటున్నారు. ఇందుకోసం చక్కటి స్క్రిప్ట్‌ రూపొందించుకుంటున్నారు. ఈ సినిమాకు ‘డెడ్లీ కరోనా’ అనే టైటిల్‌ను రిజిస్టర్‌ చేయించారు.
ఈ సినిమా తీస్తున్నట్లు ఆయన అధికారికంగా ప్రకటించారు. కరోనా వైరస్‌ ఎక్కడ నుంచి వచ్చిందన్న అంశంతో పాటు అది ప్రపంచ దేశాలకు ఎలా వ్యాప్తి చెందింది? ఆ వైరస్‌ ప్రభావం జనాలపై ఎలా పడింది? అన్న అంశాలపై ఆయన కథ రూపొందించుకున్నారు.
