Biggest Disaster of 2024:
ఈ ఏడాది మలయాళ చిత్ర పరిశ్రమలో ఎన్నో గొప్ప సినిమాలు వచ్చాయి. అయితే, అతిపెద్ద డిజాస్టర్ కూడా ఈ పరిశ్రమ నుంచే వచ్చింది. మోహన్లాల్ డైరెక్ట్ చేసిన తొలి సినిమా ‘బరోజ్’ భారీ అంచనాలతో విడుదలైనప్పటికీ, బాక్సాఫీస్ వద్ద పూర్తిగా విఫలమైంది.
డిసెంబర్ 25న విడుదలైన ఈ సినిమా తొలి రోజు కేవలం ₹3.4 కోట్లు మాత్రమే సాధించింది. తర్వాతి రోజుల్లో ఈ కలెక్షన్లు మరింత తగ్గాయి. రెండో రోజున ₹1.6 కోట్లు, మూడవ రోజున ₹1.1 కోట్లు మాత్రమే వసూలు చేయగలిగింది. నాలుగో రోజున కొంతమేరకు కలెక్షన్లు పెరిగి ₹1.25 కోట్ల వరకు వచ్చాయి. మొత్తం మీద నాలుగు రోజుల్లో సినిమా వసూలు చేసిన మొత్తం ₹7.36 కోట్లు మాత్రమే.
View this post on Instagram
ఈ సినిమా రూ. 10 కోట్ల మార్కును కూడా దాటడం కష్టంగా కనిపిస్తోంది. ఇది మోహన్లాల్ డైరెక్ట్ చేసిన తొలి సినిమా కావడం విశేషం. కానీ ఈ సినిమా ఆయనకు చేదు అనుభవాన్ని మాత్రమే మిగిల్చింది. ఆయన గత చిత్రం ‘మలైకొట్టై వాలిబన్’ కూడా అంతగా వర్కౌట్ కాలేదు. రెండు వరుస పరాజయాలు మోహన్లాల్ కెరీర్‌పై నెగెటివ్ ప్రభావం చూపిస్తున్నాయి.
ఇదిలా ఉండగా, మోహన్లాల్ తన తదుపరి ప్రాజెక్టులపై ఆశలు పెట్టుకున్నారు. ప్రత్యేకంగా, ఆయన సూపర్‌హిట్ మూవీ ‘లూసిఫర్’కు సీక్వెల్ త్వరలో రాబోతోంది. 2025లో ‘దృశ్యం 3’ షూటింగ్ కూడా ప్రారంభం కానుందని సమాచారం. ఈ రెండు సినిమాల విజయాలు ఆయనకు తిరిగి వెలుగు తెచ్చే అవకాశముంది.
ALSO READ: 2024 లో విడుదల అయిన Must-watch Telugu movies ఇవే!
