విలక్షణ నటుడు కలెక్షన్ కింగ్ మోహన్ బాబు నటిస్తున్న చిత్రం ‘సన్ ఆఫ్ ఇండియా’. నేడు స్వాతంత్ర్య దినోత్సవం సందర్భంగా ఈ చిత్రానికి సంబంధించిన టైటిల్ పోస్టర్ విడుదల చేశారు. గతంలో ‘మేజర్ చంద్రకాంత్’ ‘పుణ్యభూమి నా దేశం’ వంటి ఎన్నో మెసేజ్ ఓరియెంటెడ్ సినిమాలతో తెలుగు ప్రేక్షకులను అలరించిన మంచు మోహన్ బాబు మరోసారి దేశభక్తిని చాటిచెప్పబోతున్నాడు. ఈ చిత్రాన్ని శ్రీ లక్ష్మీ ప్రసన్న పిక్చర్స్, 24 ఫ్రేమ్ ఫ్యాక్టరీ సంయుక్తం తెరకెక్కిస్తున్నారు. ఈ చిత్రాన్ని మాటల రచయత డైమండ్ రత్నబాబు డైరెక్ట్ చేయబోతున్నాడు. దేశభక్తి నేపథ్యంలో సినిమా తెరకెక్కుతోందని అర్ధమవుతుంది. ఈ సినిమాకు సంబందించిన పూర్తివివరాలు త్వరలోనే ప్రకటించే అవకాశం ఉంది. మరోవైపు మంచు మోహన్ బాబు తమిళ హీరో సూర్య నటిస్తున్న ‘ఆకాశమే నీ హద్దురా’ సినిమాలో నటిస్తున్నారు.
