మంచు మోహన్ బాబు ప్రధానమైన పాత్రధారిగా ఆయన కూతురు లక్ష్మీప్రసన్న ‘అగ్ని నక్షత్రం’ అనే సినిమాను నిర్మిస్తున్న సంగతి తెలిసిందే. ఈ సినిమాలో ఆమె ఓ ముఖ్యమైన పాత్రను పోషిస్తోంది. కాగా ఈ సినిమాలో మోహన్ బాబు ‘ప్రొఫెసర్ విశ్వామిత్ర’ అనే పాత్ర కనిపించనున్నారు. ఆయన లుక్ కి సంబంధించిన పోస్టర్ కి మంచి స్పందన వస్తోంది.
డిఫరెంట్ హెయిర్ స్టైల్ తో .. నడివయసు దాటిన పాత్రలో ఆయన కనిపిస్తున్నారు. ఈ తరహా పాత్రను పోషించడం ఇదే ఫస్టు టైమ్ అని మోహన్ బాబు చెప్పడం సినిమాపై ఆసక్తిని పెంచుతోంది. ప్రతీక్ ప్రజోష్ ఈ సినిమాతో దర్శకుడిగా పరిచయమవుతున్నాడు. మలయాళ నటుడు సిద్ధిఖ్‌ విలన్‌గా, సముద్రఖని కీలక పాత్రలో కనిపిస్తారు అని చిత్రబృందం పేర్కొంది. ఈ సినిమాకు లిజో కె జోస్ సంగీతం అందిస్తున్నారు. త్వరలోనే మిగతా విషయాలు తెలియనున్నాయి.
Meet the Dynamic and effervescent Professor Viswamitra. The man who can move mountains with his profound thinking and ideologies. @themohanbabu#Agninakshathram #ManchuMohanBabu #CharacterReveal #FirstLook pic.twitter.com/Q8uPz41vdu
— Manchu Lakshmi Prasanna (@LakshmiManchu) July 31, 2022
