స్టార్‌ హీరోయిన్‌ అనుష్క – నవీన్ పోలిశెట్టి జంటగా నటించిన చిత్రం ‘మిస్ శెట్టి మిస్టర్ పోలిశెట్టి’. యూవీ క్రియేషన్స్ బ్యానర్ పై వంశీ – ప్రమోద్ ఈ సినిమాను నిర్మించారు. పి.మహేశ్ బాబు దర్శకత్వం వహించిన ఈ సినిమా, కామెడీ ప్రధానమైన కథాంశంతో కొనసాగుతుంది.
చాలా గ్యాప్ తరువాత అనుష్క నటించిన సినిమా కావడంతో.. ఆమె అభిమానులంతా ఈ సినిమా కోసం వెయిట్ చేస్తున్నారు. ఈ నేపథ్యంలో కొంతసేపటి క్రితం ఈ సినిమా విడుదల తేదీని ప్రకటించారు. ప్రపంచవ్యాప్తంగా ఈ సినిమాను ‘కృష్ణాష్టమి’ సందర్భంగా సెప్టెంబర్ 7వ తేదీన విడుదల చేయనున్నారు.
రధన్ సంగీతాన్ని సమకూర్చిన ఈ సినిమాలో, జయసుధ, మురళీశర్మ, తులసి, హర్షవర్ధన్ ముఖ్యమైన పాత్రలను పోషించారు. యూవీ వంటి పెద్ద బ్యానర్లో ఈ సినిమా నిర్మితం కావడం, ‘జాతిరత్నాలు’ తరువాత నవీన్ పోలిశెట్టి చేసిన సినిమా ఇదే కావడం కూడా ప్రేక్షకుల్లో ఆసక్తిని పెంచుతోంది.
