మెగా స్టార్‌ చిరంజీవి నటిస్తున్న తాజా చిత్రం ‘భోళా శంకర్‌’. ఈ సినిమా మరొకొన్ని రోజుల్లో థియేటర్‌ల్లో విడుదల కానుంది. ఈ క్రమంలో ఈ సినిమా నుండి వరుస అప్డేట్స్‌ వస్తున్నాయి. ఇప్పటికే రిలీజైన టీజర్‌, పాటలు ఫ్యాన్స్‌ని ఆకట్టుకున్నాయి. తాజాగా ఈ సినిమాలోని మిల్కీ బ్యూటీ సాంగ్‌ను మేకర్స్‌ రిలీజ్‌ చేశారు. విజయ్‌ ప్రకాష్, సంజన కల్‌మన్జీ వోకల్స్‌ అదిరిపోయాయి.
రామజోగయ్య శాస్త్రీ సాహిత్యం ట్రెండ్‌కు తగ్గట్లు చాలా క్యాచీగా ఉంది. మహతీ స్వరసాగర్‌ అద్భుతంగా ట్యూన్‌ కంపోజ్‌ చేశాడు.ఇక చిరు క్లాస్సీ స్టెప్స్‌ అయితే వీర లెవల్లో ఉన్నాయి. తమన్నా సైతం గ్లామర్‌తో కట్టేపడేసింది. ఇప్పటికే రిలీజైన భోళా మేనియా, సెలబ్రేషన్‌ సాంగ్స్‌ ఇన్‌స్టాంట్‌గా ఎక్కేశాయి. ఈ పాట కూడా వాటిల్లాగే సోషల్ మీడియాను ఊపేస్తుందనడంలో సందేహమే లేదు.
యాక్షన్‌ ఎంటర్‌టైనర్‌గా తెరకెక్కిన ఈ సినిమా తమిళంలో బంపర్‌ హిట్టయిన వేదాళంకు రీమేక్‌గా తెరకెక్కుతుంది. సిస్టర్‌ సెంటిమెంట్‌ ప్రధానంగా సాగే ఈ సినిమాలో కీర్తి సురేష్‌ చిరుకు చెల్లెలిగా కనిపించనుంది. మిల్కీ బ్యూటీ తమన్నా హీరోయిన్‌గా నటించింది. ఏకే ఎంటర్‌టైనమెంట్స్ బ్యానర్‌పై అనీల్‌ సుంకర ఈ సినిమాను నిర్మించాడు. సుశాంత్‌ కీలకపాత్రలో కనిపించనున్నాడు.
