కోలీవుడ్ స్టార్ హీరో విజయ్ సేతుపతికి ఉన్న క్రేజ్‌ గురించి ప్రత్యేకించి చెప్పానవసరం లేదు. తమిళంతోపాటు హిందీ, కన్నడ, మలయాళం, తెలుగు భాషల్లో ఓ వైపు హీరోగా.. మరోవైపు నెగెటివ్‌ షేడ్స్‌ ఉన్న పాత్రల్లో దూసుకుపోతున్నాడు. సూపర్ ఫ్యాన్‌ ఫాలోయింగ్ సంపాదించుకున్నాడు ఈ హీరో.
ఇక తాజాగా విజయ్ సేతుపతి న‌టిస్తున్న మ‌రో బాలీవుడ్ చిత్రం ‘మేరీ క్రిస్మస్’. ఈ సినిమాలో కత్రినా కైఫ్ హీరోయిన్‌గా న‌టిస్తుంది. బద్లాపూర్, అంధధూన్ సినిమాల ఫేమ్ శ్రీ‌రామ్ రాఘ‌వ‌న్ ఈ సినిమాకు ద‌ర్శ‌క‌త్వం వ‌హిస్తున్నాడు. ప్ర‌స్తుతం షూటింగ్ పూర్తి చేసుకుని పోస్ట్ ప్రోడ‌క్ష‌న్ పనుల్లో బిజీగా ఉంది. ఇదిలావుంటే.. తాజాగా ఈ సినిమా నుంచి మేక‌ర్స్ ట్రైలర్ విడుదల చేశారు.
ఈ ట్రైలర్ చూస్తే.. సినిమా మొత్తం క్రిస్మస్ పండుగ చుట్టూ తిరుగుతుండ‌గా.. సస్పెన్స్‌ థ్రిల్లర్ అని తెలుస్తుంది. ఇక ఈ ట్రైల‌ర్‌ను రెండు భాష‌ల‌లో మేక‌ర్స్ విడుదల చేశారు. ఇక ఈ చిత్రంలో రాధికా శరత్ కుమార్, సంజయ్ కపూర్, దిను ఆనంద తదితరులు ప్ర‌ధాన పాత్రల్లో నటించారు.
సినిమాను సంక్రాంతి కానుక‌గా జ‌న‌వ‌రి 12న గ్రాండ్‌గా విడుదల చేయ‌నున్న‌ట్లు చిత్ర‌బృందం ప్ర‌క‌టించింది. టిప్స్‌ ఫిలింస్‌, మ్యాచ్‌ బాక్స్‌ పిక్చర్స్‌ సంస్థలు సంయుక్తంగా ఈ సినిమాను నిర్మిస్తున్నాయి.
