మెహ్రీన్ నటించిన ‘ఎఫ్ 3’ మూవీ విడుదలకు రెడీగా ఉంది.అయితే ఏ సినిమా కూడా ఆమెకి ఆ స్థాయి హిట్ ఇవ్వలేదు. దాంతో ఇప్పుడు ఆమె ఆశలన్నీ ‘ఎఫ్ 3’ పైనే ఉన్నాయి. ‘ఎఫ్ 4’ కూడా ఉంటుందని అనిల్ రావిపూడి చెప్పడం ఆమెకి ఊరటనిచ్చే అంశం. అయితే ఈ గ్యాప్‌లో ఆయన బాలకృష్ణతో సినిమా చేయనున్న సంగతి తెలిసిందే. ప్రస్తుతం బాలకృష్ణ .. గోపీచంద్ మలినేనితో ఒక సినిమా చేస్తున్నారు. రాయలసీమ నేపథ్యంలో ఈ సినిమా రూపొందుతోంది. ఈ సినిమా తరువాత ఆయన అనిల్ రావిపూడి దర్శకత్వంలో చేయనున్నాడు. ఈ కథ తండ్రీకూతుళ్ల అనుబంధం చుట్టూ తిరుగుతుందనీ, కూతురు పాత్రలో శ్రీలీల చేయనుందని ఆయనే అన్నాడు.
ఇక ఈ సినిమాలో హీరోయిన్‌ పాత్ర కోసం ఆయన మెహ్రీన్ ను తీసుకున్నాడనే టాక్ నడుస్తోంది. ఈ సినిమాలో తన మార్కు కామెడీ తక్కువగా ఉంటుందనీ, బాలయ్య మార్కు యాక్షన్ ఎక్కువగా ఉంటుందని అనిల్ రావిపూడి చెప్పడం అందరిలో ఆసక్తిని పెంచుతోంది. దసరాకి ఈ ప్రాజెక్టు పట్టాలెక్కుతుందని అంటున్నారు.
