దివంగత కన్నడ హీరో చిరంజీవి సర్జా భార్య, నటి మేఘనా రాజ్ తన కొడుకు పేరును వెల్లడించింది. తన బాబుకు రాయన్ రాజ్ సర్జా అని నామకరణం చేసినట్లు తెలిపింది. ఈ మేరకు సోషల్ మీడియాలో బ్యూటిఫుల్ వీడియోను షేర్ చేసింది. ఇందులో భర్తతో కలిసి ఉన్న వీడియో క్లిప్పింగ్లను యాడ్ చేయడంతో పాటు కొడుకు ఆడుకుంటున్నట్లుగా చూపించింది. అనంతరం జూనియర్ చిరు పేరును రాయన్ అని పరిచయం చేసింది. ప్రస్తుతం ఈ వీడియో సోషల్ మీడియాలో వైరల్గా మారింది.
2018లో చిరంజీవి సర్జా, మేఘనా పెళ్లి చేసుకున్నారు. పెళ్లైన రెండేళ్లకే చిరంజీవి సర్జా గతేడాది జూన్ 7వ తేదీన గుండెపోటుతో కన్నుమూశాడు. ఆ సమయంలో గర్భవతిగా ఉన్న ఆమె అక్టోబర్ 22న పండంటి మగబిడ్డకు జన్మనిచ్చింది.
