Meenakshi Chaudhary Upcoming Movies:
మోడల్ గా తన కెరియర్ మొదలుపెట్టిన మీనాక్షి చౌదరి.. కొన్ని బ్యూటీ పేజెంట్స్ లో కూడా కనిపించి మంచి పేరు తెచ్చుకుంది. 2021 లో ఇచట వాహనములు నిలుపరాదు అనే సినిమాతో తెలుగు ఇండస్ట్రీకి హీరోయిన్ గా పరిచయం అయిన మీనాక్షి.. వెంటనే మాస్ మహారాజా రవితేజ సరసన ఖిలాడి అనే సినిమాలో కనిపించింది.
ఈ సినిమా పెద్దగా హిట్ అవ్వలేదు కానీ మీనాక్షి చౌదరికి ఆఫర్లు మాత్రం తగ్గలేదు. ఏకంగా సూపర్ స్టార్ మహేష్ బాబు సరసన.. గుంటూరు కారం సినిమాలో రెండవ హీరోయిన్గా కనిపించే అవకాశం అందుకుంది ఈ భామ. ఈ సినిమాతో ఆమె కెరియర్ కీలక మలుపు తిరుగుతుంది అని అందరూ అనుకున్నారు.
కానీ సినిమా మాత్రం బాక్స్ ఆఫీస్ వద్ద పెద్దగా మెప్పించలేకపోయింది. దీంతో మీనాక్షికి కూడా పెద్దగా ఆఫర్లు రాలేదు. ప్రస్తుతం మీనాక్షి చేతిలో కొన్ని ఆసక్తికరమైన సినిమాలు ఉన్నాయి కానీ.. వాటి మీద అనుకున్నంత స్థాయిలో బజ్ రావడం లేదు. దిల్కర్ సల్మాన్ హీరో గా నటిస్తున్న లక్కీ భాస్కర్ సినిమాలో మీనాక్షి హీరోయిన్గా కనిపించనుంది.
ఇక మీనాక్షి చేతిలో ఉన్న స్టార్ హీరో సినిమా గోట్ (GOAT). దళపతి విజయ్ ఈ సినిమాలో హీరోగా నటిస్తున్నారు. సినిమా మీద అంచనాలు ఉన్నాయి కానీ.. ఈ మధ్యనే విడుదలైన పాటకి తీవ్ర స్థాయిలో నెగిటివ్ రెస్పాన్స్ వచ్చింది. విజయ్ డాన్స్ మీద సోషల్ మీడియాలో ట్రోల్స్ మాత్రమే వినిపించాయి.
మరోవైపు ఈ మధ్యనే ఇండస్ట్రీలోకి అడుగుపెట్టబోతున్న భాగ్యశ్రీ బోర్సే మీద ఇంతకంటే ఎక్కువ అంచనాలు ఉన్నాయి. డబ్బులు ఇస్మార్ట్ సినిమాలో నటిస్తున్న కావ్య థాపర్ కి కూడా మంచి క్రేజ్ ఉంది. ఈ నేపథ్యంలో మీనాక్షి చౌదరి అభిమానులు కొంత నిరాశ చెందుతున్నారు. ఆమెకి కూడా మంచి స్కోప్ ఉన్న పాత్ర దొరికితే బాగుంటుందని అనుకుంటున్నారు. మరి ఈ ప్రస్తుతం తన చేతిలో ఉన్న సినిమాలతో మీనాక్షి ఎంతవరకు బ్లాక్ బస్టర్లు అందుకుంటుందో చూడాలి.
