ప్రముఖ యాంకర్‌, నటి అనసూయ ..నేను నాగార్జున సర్‌తో పోటీ పడటమేంటి? అంటున్నారు. ఆమె ప్రధాన పాత్రలో నటించిన ‘కథనం’ సినిమా.. నాగ్‌ నటించిన ‘మన్మథుడు 2’ చిత్రం ఆగస్ట్‌ 9న విడుదల కానున్నాయి. ఈరోజు ‘మన్మథుడు 2’ థియేట్రికల్‌ ట్రైలర్‌ విడుదలైంది. ఈ నేపథ్యంలో అనసూయ సినిమా గురించి ట్వీట్‌ చేస్తూ.. ‘అసలు వీరికి నేను పోటీ ఏంటి పిచ్చికాకపోతే. ట్రైలర్‌ చాలా బాగుంది. నాకిష్టమైన నాగార్జున, రకుల్‌ ప్రీత్‌ సింగ్‌, రాహుల్‌ రవీంద్రన్‌, వెన్నెల కిశోర్‌ సినిమాలో ఉన్నారు. నేను నటించిన ‘కథనం’ సినిమాతో పాటు ‘మన్మథుడు 2′ చూస్తాను’ అని ట్వీట్‌ చేస్తూ ట్రైలర్‌ లింక్‌ను పోస్ట్‌ చేశారు అనసూయ. ‘కథనం’ చిత్రానికి రాజేశ్‌ నాదెండ్ల దర్శకత్వం వహించారు. ఇందులో ఆమె సహాయ దర్శకురాలి పాత్రను పోషించారు.
మన్మథుడితో నాకు పోటీనా: అనసూయ
