టాలీవుడ్ సూపర్ స్టార్ మహేశ్ బాబు హీరోగా నటించిన గుంటూరు కారం సినిమా ఈ సంక్రాంతికి (జనవరి12) విడుదల కానుంది. త్రివిక్రమ్‌ డైరెక్షన్‌లో వచ్చిన ఈ సినిమాని హారిక అండ్‌ హాసిని క్రియేషన్స్‌ పతాకంపై సూర్యదేవర రాధాకృష్ణ నిర్మించారు.
ఈ సినిమా ప్రీ రిలీజ్ ఈవెంట్ నిన్న గుంటూరులో జరుపుకుంది. ఈక్రమంలో ఈ చిత్రం నుంచి మరో సాంగ్ రిలీజైంది. “మావా ఎంతైనా పర్లేదు బిల్లు… మనసు బాలేదు వేసేస్తా ఫుల్లు” అంటూ సాగే ఈ పాటకు తమన్ సంగీతం అందించగా, రామజోగయ్యశాస్త్రి సాహిత్యం అందించారు.
కొమాండూరి రామాచారి, శ్రీకృష్ణ, రాహుల్ సిప్లిగంజ్ ఆలపించారు. ఈ పాటలో ‘ది గోంగూర బ్యాండ్’ వినిపించిన ఆంధ్రా డప్పు దరువు స్పెషల్ అని చెప్పాలి. ‘గుంటూరు కారం’ చిత్రంలో మహేశ్ బాబు సరసన శ్రీలీల, మీనాక్షి చౌదరి నటించారు.
