Matka Pre release business:
వరుణ్ తేజ్ ప్రస్తుతం తన తొలి పాన్ ఇండియా ప్రాజెక్ట్ మట్కా సినిమాతో బిజీగా ఉన్నారు. ఈ చిత్రానికి కరుణ కుమార్ దర్శకత్వం వహిస్తున్నారు. ఇది వరుణ్ తేజ్ నటిస్తున్న అత్యంత భారీ బడ్జెట్ మూవీగా ప్రేక్షకుల ముందుకు రానుంది. ఇందులో ఇద్దరు హీరోయిన్స్ మీనాక్షి చౌదరి, నోరా ఫతేహీతో వరుణ్ రొమాన్స్ చేయనున్నారు.
మట్కా సినిమా మ్యూజిక్ కూడా పెద్ద హైలైట్‌గా నిలుస్తోంది. ఈ సినిమా ఆడియో హక్కులు 3.6 కోట్ల భారీ మొత్తానికి అమ్ముడయ్యాయి. ఆదిత్య మ్యూజిక్ వారు అధిక మొత్తానికి ఆడియో రైట్స్ సొంతం చేసుకున్నారు. వరుణ్ తేజ్ సినిమాల్లో ఇప్పటి వరకు ఇదే అత్యధిక మొత్తం కావడం విశేషం.
మట్కా కి సంగీత దర్శకుడిగా జి.వి. ప్రకాష్ కుమార్ వ్యవహరిస్తున్నారు. 1970 నేపథ్యంలో సాగే ఈ కథలో వరుణ్ తేజ్ నాలుగు విభిన్న గెటప్స్‌లో కనిపించనున్నారు. వైర ఎంటర్‌టైన్‌మెంట్స్, ఎస్.ఆర్.టి. ఎంటర్‌టైన్‌మెంట్స్ సంస్థలు అత్యంత ప్రతిష్టాత్మకంగా ఈ సినిమాని నిర్మిస్తున్నాయి.
