Mathu Vadalara 2 release date:
శ్రీ సింహా కొడూరి, సత్య ప్రధాన పాత్రల్లో నటించిన మత్తు వదలరా సినిమా, దర్శకుడు రితేష్ రానా దర్శకత్వంలో విడుదలై సెన్సేషనల్ హిట్‌గా నిలిచింది. ఇప్పుడు ఈ సినిమాకు సీక్వెల్‌గా మత్తు వదలరా 2 రాబోతోంది. ఈ సినిమా షూటింగ్ పూర్తయి, విడుదలకు సిద్ధమవుతోంది. నిర్మాతలు ప్రమోషన్లను ప్రారంభించి, ఇప్పటికే కొన్ని పోస్టర్లు విడుదల చేశారు.
తాజా పోస్టర్ తో శ్రీ సింహా కొడూరి మరియు సత్యను స్పెషల్ ఏజెంట్లుగా పరిచయం చేశారు. సినిమా మొత్తం వారి ప్రత్యేకమైన మిషన్లు, అనేక ట్విస్టులతో పాటు మంచి వినోదాన్ని కూడా అందిస్తుందని సమాచారం.
ఫరియా అబ్దుల్లా ఈ సినిమాలో హీరోయిన్ గా నటించింది. ఈ చిత్రాన్ని క్లాప్ ఎంటర్టైన్మెంట్, మైత్రి మూవీ మేకర్స్ సంయుక్తంగా నిర్మించారు. ఈ సినిమాకు కాల భైరవ సంగీతాన్ని అందించగా, సురేష్ సరంగం సినిమాటోగ్రఫీ బాధ్యతలను నిర్వర్తించారు.
మత్తు వదలరా 2 సినిమా ఈ సెప్టెంబర్ 13న ప్రేక్షకుల ముందుకు రాబోతోంది. ఇప్పటికే సినిమా మీద భారీ అంచనాలు ఉన్నాయి. ఈ సీక్వెల్ కూడా మొదటి భాగం వంటి సక్సెస్‌ను సాధిస్తుందేమో అని ఫ్యాన్స్ ఆశిస్తున్నారు.
