Marco OTT Release Date:
ఉన్ని ముకుందన్ ప్రధాన పాత్రలో నటించిన మార్కో సినిమా, 2024 డిసెంబర్ 20న మలయాళం, హిందీ భాషల్లో విడుదలై ప్రేక్షకుల ప్రశంసలు అందుకుంది. మలయాళ సినిమాల్లోనే అత్యంత హింసాత్మక చిత్రం గా పేరుపొందిన ఈ చిత్రానికి విమర్శకులు కూడా మంచి మార్కులు వేశారు. ఈ చిత్రం ఎ-సర్టిఫికేట్ పొందినప్పటికీ, కథనంలో ఉన్న గ్రిప్పింగ్ యాక్షన్ ప్రేక్షకులను థియేటర్లకు ఆకర్షించింది.
తెలుగు, తమిళంలో రిలీజ్‌
మార్కో 2025 జనవరి 1న తెలుగులో, జనవరి 3న తమిళంలో విడుదల కానుంది. రెండు భాషల ప్రేక్షకులు ఈ సినిమాపై ఆసక్తిగా ఎదురుచూస్తున్నారు. మలయాళ, హిందీ భాషల్లో విజయవంతమైన ఈ చిత్రం, మరిన్ని ప్రేక్షకుల హృదయాలను గెలుచుకుంటుందనే నమ్మకంతో ఉన్నారు.
Netflix acquired digital rights of India’s most violence movie #MARCO.
Streaming date announce on January. pic.twitter.com/fFjdByEs9K
— Ott Updates (@Ott_updates) December 30, 2024
తాజాగా వచ్చిన సమాచారం ప్రకారం, నెట్‌ఫ్లిక్స్ ఈ చిత్రానికి ఓటీటీ హక్కులు భారీ ధరకు కొనుగోలు చేసినట్టు తెలుస్తోంది. అయితే మార్కో టీమ్ లేదా నెట్‌ఫ్లిక్స్ నుండి ఇంకా అధికారిక ప్రకటన రావాల్సి ఉంది. ఈ చిత్రం ఓటీటీ వెర్షన్‌లో థియేటర్‌లో కట్ చేసిన ఎక్స్ట్రా సీన్స్ కూడా ఉంటాయని కన్‌ఫర్మ్ అయింది. వీటిలో ఎక్కువగా హింసాత్మక సన్నివేశాలు ఉండొచ్చని తెలుస్తోంది.
సిద్ధిక్, జగదీష్, అభిమన్యు ఎస్. తిలకన్, కబీర్ దుహాన్ సింగ్, యుక్తి తారేజా, అన్సన్ పాల్ వంటి ప్రముఖ నటులు ఈ చిత్రంలో ముఖ్యపాత్రలు పోషించారు. క్యూబ్స్ ఎంటర్‌టైన్‌మెంట్స్ మరియు ఉన్ని ముకుందన్ ఫిలిమ్స్ సంయుక్తంగా ఈ చిత్రాన్ని నిర్మించాయి.
