Manjummel Boys: మలయాళంలో ఎలాంటి అంచనాలు లేకుండా విడుదలైన చిత్రం ‘మంజుమ్మెల్ బాయ్స్’. యదార్థ సంఘటన ఆధారంగా ఈ సినిమా తెరకెక్కింది. కోడైకెనాల్ లోని ఒక గుహను చూడటానికి కేరళ నుండి స్నేహితుల బృందం విహార యాత్ర కు వెళతారు. అయితే స్నేహితుల్లో ఒకరు గుహలో పడిపోతారు. ఆ యువకుడిని ఆ బృందం ఎలా కాపాడుతుంది, వారికి ఎలాంటి సమస్యలు ఎదురవుతాయి, వాటిని ఎలా ఎదుర్కొంటాన్నదే మంజుమ్మెల్ బాయ్స్ సినిమా.
మలయాళంలో ఈ సినిమా ట్రేడ్ నిపుణులను సైతం ఆశ్చర్యపరుస్తూ ఏకంగా రూ. 200 కోట్లుకు పైగా వసూళ్లను రాబట్టిందీ. ఇప్పటివరకు ఈ సినిమాకు రూ.226 కోట్లకు పైగానే కలెక్షన్లు వచ్చాయి. మలయాళంలో ఆల్ టైమ్ ఇండస్ట్రీ రికార్డులను తిరగరాసిన ఈ సినిమా ఇటీవలే తెలుగు రాష్ట్రాల్లో కూడా విడుదలైంది.
ఏప్రిల్ 6న విడుదలైన ఈ మూవీ తెలుగులో కూడా అంచనాలకు మించి కలెక్షన్లను రాబడుతోంది. కాగా ముంజుమెల్ బాయ్స్ ఓటీటీ రిలీజ్ కోసం ప్రేక్షకులు ఎంతోగానో ఎదురుచూస్తున్నారు. తాజాగా ఈ మలయాళ బ్లాక్ బస్టర్ OTT విడుదలక రెడీ అయినట్లు తెలుస్తోంది. ఓటీటీ ప్లాట్ఫామ్ డిస్నీ+ హాట్‌స్టార్ లో వచ్చే నెల 3 నుంచి స్ట్రీమింగ్ కానున్నట్లు తెలుస్తోంది. ఆ రోజు నుంచే మలయాళం, తెలుగుతో పాటు మరిన్ని దక్షిణాది భాషల్లోనూ ఈ సినిమాను అందుబాటులోకి తీసుకొస్తున్నారని టాక్. త్వరలోనే దీనికి సంబంధించి అధికారిక ప్రకటన రానున్నట్లు తెలుస్తుంది.
