ఆర్‌ఎక్స్‌100 సినిమా డైరెక్టర్‌ అజయ్‌ భూపతి తెరకెక్కిస్తున్న తాజా చిత్రం ‘మంగళవారం’. టైటిల్‌ పోస్టర్‌ నుంచి ఈ సినిమాపై జనాల్లో విపరీతమైన క్రేజ్‌ ఉంది. దానికి తోడు మూడ్నెళ్ల ముందు రిలీజైన టీజర్‌ అంచనాలను అమాంతం పెంచేసింది. అసలు మంగళవారం ఏం జరిగిందన్న క్యూరియాసిటీ అందరిలోనూ క్రియేట్ అయింది. ఈ సినిమా నవంబర్‌ 17న రిలీజ్‌ కాబోతుంది. ఈ క్రమంలో మేకర్స ఇప్పటినుంచి బ్యాక్‌ టు బ్యాక్‌ అప్‌డేట్‌లు ప్రకటిస్తూ సినిమాపై అంతకంతకూ అంచనాలు పెంచుకుంటూ పోతున్నారు.
తాజాగా మేకర్స్ ఈ సినిమ ట్రైలర్‌ను రిలీజ్‌ చేశారు. ట్రైలర్‌లో సినిమా స్టోరీ పెద్దగా రివీల్ చేయకుండా కొన్ని సీన్స్‌ను హైలైట్ చేస్తూ అజయ్‌ భూపతి తెలివిగా ట్రైలర్‌ను కట్‌ చేశాడు. అనుక్షణం భయపడుతూ బతికే ఒక ఊరి ప్రజలు.. మంగళవారం వస్తే చాలు ఆ ఊర్లో ఒక శవం లేస్తుంది. అసలు ఆ హత్యలు చేస్తుంది. అది కూడా కేవలం మంగళవారమే ఎందుకు చేస్తున్నారు. అసలా ముసుగు వేసుకుని ఊరి ప్రజలను భయపెడుతున్న మనిషి ఎవరు అనే ఎన్నో అనుమానాలు వస్తాయి.
మరీ ముఖ్యంగా కెమెరా విజువల్స్‌ అయితే హై స్టాండర్డ్స్‌లో ఉన్నాయి. అజనీష్‌ లోకనాథ్ మ్యూజిక్‌ థ్రిలింగ్‌గా ఉంది. ఈ ట్రైలర్‌ సినిమాపై మరింత హైప్‌ని క్రియేట్ చేసింది. ఈ సినిమాలో నందిత శ్వేత, రంగం ఫేమ్ అజ్మల్‌ కీలకపాత్రల్లో నటిస్తున్నారు. ముద్ర మీడియా వర్క్స్, ఏ క్రియేటీవ్ వర్క్స్ సంయుక్తంగా ఈ సినిమాని నిర్మిస్తున్నాయి.
