హీరో మంచు విష్ణు కెరీర్లో ‘ఢీ’ సినిమా ఓ మైలు రాయిలాంటిది. శ్రీను వైట్ల డైరెక్షన్‌లో వచ్చిన ఈ చిత్రం మంచి కామెడీ ఎంటర్ టైనర్ గా పేరుతెచ్చుకోవడమే కాకుండా, బాక్సాఫీసు వద్ద కూడా ఘన విజయాన్ని సాధించింది. పదమూడేళ్ల క్రితం వచ్చిన ఈ చిత్రానికి సీక్వెల్ కూడా వస్తుందంటూ గత కొంత కాలంగా వార్తలు వినిపిస్తున్నాయి. అధికారిక ప్రకటన మాత్రం రాలేదు. ఈ నేపథ్యంలో తాజాగా హీరో మంచు విష్ణు దీనికి సంబంధించి చిన్న హింట్ ఇచ్చాడు. ‘వేలాది సినీ ప్రియులకు ఇష్టమైన సినిమాలలో ఢీ ఒకటి. ఆ సినిమాకి పనిచేసిన ఆర్టిస్టులకి సిబ్బందికి ఇదొక కొత్తదనాన్ని ఇచ్చింది. ఆ సమయంలో కొత్తరకం సినిమాలకు ఇదొక ఊపునిచ్చింది. అయినా, ఢీ కన్నా బెటర్ మరేముంది?’ అంటూ విష్ణు ట్వీట్ చేశాడు. అంతేకాకుండా, ఈ నెల 23న ఓ ఉత్తేజకరమైన అప్డేట్ ను ఇస్తున్నానని విష్ణు పేర్కొన్నాడు. దీనిని బట్టి చూస్తే ‘ఢీ’ సినిమా సీక్వెల్ కి రంగం సిద్ధమౌతున్నట్లు అనిపిస్తుంది. చూడాలి మరి మంచు విష్ణు ఏం ప్రకటించబోతున్నాడో.
‘Dhee’ one of the fav film for thousands of movie lovers. This film was a game changer for the entire cast and crew. It gave wave to a whole new slate of movies at that time. What could be better than ‘Dhee’ 🤔🤩? pic.twitter.com/qluJwI7Gc3
— Vishnu Manchu (@iVishnuManchu) November 20, 2020
