‘మా’ అధ్యక్ష ఎన్నికల్లో మంచు విష్ణు పోటీ చేస్తున్న సంగతి తెలిసిందే. త్వరలో జరగబోయే ఎన్నికల్లో నామినేషన్ వేస్తుండటం గౌరవప్రదంగా భావిస్తున్నానని తెలిపాడు. ‘మా’ కుటుంబ సభ్యుల బాధలు తనకు బాగా తెలుసన్న ఈ హీరో మన ఇంటిని మనమే చక్కదిద్దుకుందామని పిలుపునిచ్చాడు. ఈ సందర్భంగా మంచు విష్ణు లేఖ రాశారు. తనకు, తన కుటుంబానికి పేరు ప్రతిష్టలు తెచ్చిపెట్టిన తెలుగు సినీ పరిశ్రమకు ఎంతో రుణపడి ఉన్నానని అంటున్నాడు. ఏదేమైనా ఈ ఇండస్ట్రీకి సేవ చేయడమే తన కర్తవ్యమన్నాడు. తండ్రి మోహన్‌బాబు ‘మా’ అసోసియేషన్‌ కోసం చేసిన సేవలే తనకు ఆదర్శమని అన్నాడు. దీనికి తోడు గతంలో ‘మా’ ఎగ్జిక్యూటివ్‌ వైస్ ప్రెసిడెంట్‌గా పని చేసిన అనుభవం కూడా ఉందన్నాడు. పెద్దల అనుభవాలు, యువరక్తం ఆలోచనలతో ‘మా’ నడవాలనేదే తన ప్రయత్నమని చెప్పాడు. అందరి సహకారంతో విజయం సాధిస్తానని మంచు విష్ణు ధీమా వ్యక్తం చేస్తున్నాడు.
నా MAA కుటుంబానికి 🙏.To my MAA family 🙏 pic.twitter.com/1TDa3f8lYA
— Vishnu Manchu (@iVishnuManchu) June 27, 2021
