మంచు విష్ణు తన కలల ప్రాజెక్టు ‘కన్నప్ప’ను పట్టాలెక్కించారు. ఈసినిమా ఈ రోజు హైదరాబాదులో లాంఛనంగా ప్రారంభమైంది. ఈ చిత్రానికి మోహన్ బాబు నిర్మాత కాగా, ముఖేశ్ కుమార్ సింగ్ దర్శకత్వం వహిస్తున్నారు. ఈ సినిమాలో నుపుర్ సనన్ హీరోయిన్‌గా నటిస్తోంది.
అవా ఎంటర్టయిన్ మెంట్, 24 ఫ్రేమ్స్ ఫ్యాక్టరీ బ్యానర్లపై రూపుదిద్దుకోనున్న ఈ ఎపిక్ మూవీపై చిత్రబృందం పూర్తి విశ్వాసంతో ఉంది. గతంలో కృష్ణంరాజు హీరోగా నటించిన ‘భక్త కన్నప్ప’ ఎంత పెద్ద హిట్టో ప్రత్యేకంగా చెప్పనక్కర్లేదు. ఇప్పుడు తాజా హంగులతో మంచు విష్ణు తీస్తున్న ‘కన్నప్ప’ చిత్రానికి రూ.150 కోట్ల బడ్జెట్ అని తెలుస్తోంది. ఇతర వివరాలు త్వరలో ప్రకటించనున్నారు. పాన్ ఇండియా స్థాయిలో తెరకెక్కనున్న ఈ చిత్రాన్ని అనేక భాషల్లో విడుదల చేస్తామని చెప్పారు.
