శ్రీను వైట్ల దర్శకత్వంలో హిట్ సినిమా జాబితాలో ‘ఢీ’ ఒకటి. పూర్తి వినోదభరిత చిత్రంగా రూపొందిన ఈ సినిమా, మంచు విష్ణుకి మంచి విజయాన్ని ఇచ్చింది. సరైన సమయంలో ఆయన కెరియర్ కి ఈ సినిమా మంచి హోప్‌ ఇచ్చింది. అలాంటి ఈ సినిమాకి సీక్వెల్ చేయడానికి విష్ణు సిద్ధమవుతున్నడట.
తాజా ఇంటర్వ్యూలో ఆయన ఈ విషయాన్ని స్పష్టం చేశాడు. తను ఇంతవరకూ చేసిన సినిమాల్లో ‘ఢీ’ అంటే చాలా ఇష్టమని తెలిపాడు ఈ మంచువార్బయి. అన్నివర్గాల ప్రేక్షకులను ఆ సినిమా ఎంతగానో ఆకట్టుకుందని చెప్పాడు. అందువలన ఆ సినిమాకి సీక్వెల్ చేయడానికి సన్నాహాలు చేస్తున్నట్టు చెప్పాడు. ఈ ప్రాజెక్టుకి సంబంధించిన పూర్తి వివరాలు త్వరలోనే శ్రీను వైట్ల వెల్లడిస్తాడని అన్నాడు. చాలా కాలంగా హిట్ కోసం ఎదురుచూస్తున్న శ్రీను వైట్లకి.. మంచు విష్ణుకి ఈ సినిమా ఎంతవరకూ హెల్ప్ అవుతుందో చూడాలి.
