యంగ్‌ టైగర్‌ ఎన్టీఆర్, త్రివిక్రమ్ శ్రీనివాస్ ల కాంబినేషన్‌లో ‘అరవింద సమేత వీర రాఘవ’ తరువాత మరో చిత్రం తెరకెక్కుతోంది. ఈ చిత్రాన్ని ఎన్టీఆర్ ఆర్ట్స్ బ్యానర్, హారిక హాసిని క్రియేషన్స్ సంయుక్తంగా నిర్మిస్తున్నాయి. ఈ చిత్రానికి తమన్ సంగీతాన్ని అందిస్తున్నాడు.
కాగా ఈ సినిమాలో మంచు మనోజ్ విలన్ గా నటిస్తున్నాడనే వార్త వైరల్‌ అయిన సంగతి తెలిసిందే. తాజాగా ఈ అంశంపై మనోజ్ క్లారిటీ ఇచ్చాడు. ఎన్టీఆర్ సినిమాకు సంబంధించి తనకు ఎలాంటి ఆఫర్ రాలేదని స్పష్టం చేశాడు. విలన్ క్యారెక్టర్లు చేయడానికి తాను వ్యతిరేకం కాదని.. అయితే, ఇప్పటికిప్పుడే విలన్ క్యారెక్టర్లు చేసే ఉద్దేశం తనకు లేదని చెప్పాడు. జూనియర్ ఎన్టీఆర్ తో మనోజ్ కు ఎంతో సన్నిహిత అనుబంధం ఉంది. ప్రస్తుతం ‘అహం బ్రహ్మాస్మి’ అనే సినిమాను మనోజ్ చేస్తున్నాడు. ఈ సినిమాలో హీరోగా నటిస్తూ, తానే సొంతంగా నిర్మిస్తున్నాడు.
