Malvi Malhotra Shahbano:
తిరగబడరా సామి ఫేమ్ హీరోయిన్ మాళ్వి మల్హోత్రా తాజాగా షాబానో అనే ఒక వీడియో సాంగ్ లో డ్యాన్స్ చేసింది. ఆడు ఎంటర్టైన్మెంట్ బ్యానర్ పై ఈ స్పెషల్ సాంగ్ ను డివో మ్యూజిక్ వారు విడుదల చేశారు. గౌతమ్ చవాన్ నిర్మాతగా వ్యవహరించిన ఈ సాంగ్ భాస్కర్ బంటుపల్లి దర్శకత్వంలో రూపొందింది. ఈ సాంగ్ కు యశ్ మాస్టర్ డాన్స్ కంపోజ్ చేశారు.
తాజాగా విడుదలైన ఈ పాటకు మంచి ఆదరణ లభించింది. ముఖ్యంగా యువత నుండి ఈ పాటకి మంచి రెస్పాన్స్ వచ్చింది. సోషల్ మీడియాలో ఈ సాంగ్ వైరల్ అవ్వడమే కాక యంగ్ స్టర్స్ ఈ పాటకి కవర్ వీడియో లు కూడా చేస్తూ మరింత పాపులర్ చేస్తున్నారు.
సాంగ్ వీడియో ను కూడా అద్భుతమైన లొకేషన్స్ లో చిత్రీకరించడం బాగా ప్లస్ అయ్యింది. మెలోడి కూడా చాలా క్యాచీ గా ఉండడమే కాకుండా లిరిక్స్ కూడా ప్రేక్షకులు కనెక్ట్ అయ్యేలా ఉన్నాయి. సాకేత్ కోమండూరి కంపోజింగ్ కూడా ఈ సాంగ్ కు చాలా బావుంది. తనదైన శైలిలో సాకేత్ చాలా మంచి ట్యూన్ ఇచ్చారు. ఏ.డి మార్గల్ సినిమాటోగ్రఫీ కూడా ఆకట్టుకుంది.
ఈ పాట కు శ్రీకాంత్ పట్నాయక్ ఎడిటర్ గా చక్కటి పనితనం చూపించగా, ఆర్.మురళీమోహన్ ఎగ్జిక్యూటివ్ ప్రొడ్యూసర్ గా, ఆర్. చంద్రమోహన్ లైన్ ప్రొడ్యూసర్ గా పనిచేశారు. షాబానో సాంగ్ తెలుగు తో మాత్రమే కాక హిందీ, తమిళ్, కన్నడ భాషల్లో కూడా ఒకేసారి విడుదల అయ్యింది.
అన్ని భాషల నుండి ఈ సాంగ్ కు అనూహ్య స్పందన రావడం విశేషం. సోని కోమండూరి ఈ పాటను పాడడం జరిగింది. సోని కోమండూరి గతంలో బాహుబలి సినిమాలో హంసనావ పాట తో పేరు తెచ్చుకున్నారు. ఇప్పుడు ఈ పాట తో కూడా కుర్రకారు మనసులను కొల్లగొడుతున్నారు.
గత కొద్ది రోజులుగా మాళ్వి మల్హోత్రా పేరు ఇండస్ట్రీ బాగానే వినిపిస్తుంది. కానీ తాజాగా ఇప్పుడు ఈ వీడియో తో మాళ్వి మల్హోత్రా మళ్ళీ పాపులర్ అయ్యింది. తిరగబడరా సామి సినిమా ఆగస్టు 2న విడుదల కాబోతోంది. రాజ్ తరుణ్ వివాదం కూడా టాలీవుడ్ లో దుమారం లేపుతోంది. ఒకరకంగా ఇది సినిమాకి హైప్ తెస్తోంది కానీ కానీ ఒకరకంగా చూస్తే ఈ నెగెటివ్ పబ్లిసిటీ అన్నిటికీ వర్క్ అవుట్ అవ్వదు. మరి ఈ సినిమాపై తన ఆశలు అన్నీ పెట్టుకున్న మాళ్వి మల్హోత్రా పరిస్థితి ఏమవుతుంది అని చూడాలి.
