Malle Poola Taxi from Dhoom Dham: కొన్ని పాటలు.. సినిమా రాతలనే మార్చేస్తాయి. ఎందుకంటే ఏదైనా ఒక సినిమా నుంచి.. మొదటిగా ఒక సూపర్ హిట్ పాట విడుదల అయితే.. ఇక ఆ చిత్రానికి ప్రమోషన్స్ కూడా అవసరం లేదు. ఆ పాటే ఆ సినిమాని ప్రమోట్ చేస్తుంది. ఇప్పుడు అదే సీన్ రిపీట్ అయింది</p>
ధూం ధాం అనే సినిమాకి. చేతన్ కృష్ణ , హెబ్బా పటేల్ హీరో హీరోయిన్లుగా నటిస్తున్న లవ్, ఫ్యామిలీ ఎంటర్ టైనర్ సినిమా ధూం ధాం. ఈ సినిమాలో సాయి కుమార్, వెన్నెల కిషోర్, పృథ్వీరాజ్, గోపరాజు రమణ ఇతర కీలక పాత్రలు పోషిస్తున్నారు.
కాగా ఈ సినిమాని ఫ్రైడే ఫ్రేమ్ వర్క్స్ బ్యానర్ పై ఎంఎస్ రామ్ కుమార్ నిర్మిస్తుండ‌గా.. ఈ చిత్రానికి సాయి కిషోర్ మచ్చా దర్శకత్వం వ‌హిస్తున్నారు. ఇక గోపీ మోహన్ స్టోరీ స్క్రీన్ ప్లే అందిస్తున్నారు. ప్రస్తుతం ఈ సినిమా చిత్రీకరణ పూర్తి చేసుకున్న త్వరలో గ్రాండ్ థియేట్రికల్ రిలీజ్ కు సిద్ధం అవుతోంది.
ఈ క్రమంలో ఈ చిత్ర ప్రమోషన్స్ మొదలుపెట్టారు సినిమా యూనిట్. ఇందులో భాగంగా ఈ చిత్రం నుంచి ఫస్ట్ లిరికల్ సాంగ్ మల్లెపూల టాక్సీ ప్రోమో రిలీజ్ చేశారు. ఈ సాంగ్ ఫుల్ లిరికల్ వీడియోను ఈ నెల 5వ తేదీన ఉదయం 9.18 నిమిషాలకు విడుదల చేయబోతున్నారు.
అయితే ఈ ప్రోమో ఈ సినిమా పైన అంచనాలను పెంచేసింది. మల్లెపూల టాక్సీ పాటకు సరస్వతీ పుత్ర రామజోగయ్య శాస్త్రి లిరిక్స్ అందించగా..గోపీ సుందర్ క్యాచీ బీట్ తో కంపోజ్ చేశారు. గాయని మంగ్లీ ఈ పాటను ఎనర్జిటిక్ గా పాడటమే కాదు లిరికల్ వీడియోలో స్టెప్స్ వేసి ఆకట్టుకుంది. కాగా గోపీసుందర్.. మంగ్లీ కాంబినేషన్లో వచ్చిన ఫిదా సినిమాలోని వచ్చిందే సాంగ్ ఎంతటి సెన్సేషన్ క్రియేట్ చేసిందో.. ఇప్పుడు ఈ పాట కూడా అంతటి సెన్సేషన్ క్రియేట్ చేసేటట్టు కనిపిస్తోంది.
