టాలీవుడ్‌ మాస్ మహారాజా రవితేజ హీరోగా నటిస్తున్న చిత్రం ‘టైగర్ నాగేశ్వర రావు’. వంశీ డైరెక్షన్‌లో 1970స్‌ కాలంలో స్టూవర్ట్‌పురం పాపులర్‌ దొంగ టైగర్ నాగేశ్వర్‌ రావు జీవిత కథ నేపథ్యంలో తెరకెక్కుతోంది. ఈ మూవీతో బాలీవుడ్ బ్యూటీ నుపుర్ సనన్‌ హీరోయిన్‌గా టాలీవుడ్‌లో ఎంట్రీ ఇస్తుంది.
ఈ సినిమాలో అనుపమ్‌ ఖేర్‌, మురళీ శర్మ కీలక పాత్రల్లో నటిస్తుండగా.. తాజాగా మలయాళ సినిమాలతో పాపులర్‌ అయిన ముంబై యాక్టర్‌ సుదేవ్‌ నాయర్‌ కాశి పాత్రలో నటిస్తున్నాడు. ఈ సినిమా నుండి విడుదలైన ఆయన లుక్‌ సోషల్‌ మీడియాలో వైరల్ అవుతుంది.
ఈ మూవీలో గాయత్రి భరద్వాజ్‌ మరో ఫీ మేల్ లీడ్‌ రోల్‌లో నటిస్తుండగా.. సీనియర్‌ నటి రేణూదేశాయ్‌ కీలక పాత్రలో నటిస్తుంది. ఈ చిత్రాన్ని అభిషేక్ అగర్వాల్ ఆర్ట్స్ బ్యానర్‌పై అభిషేక్ అగర్వాల్ నిర్మిస్తున్నారు. జీవీ ప్రకాశ్ కుమార్ సంగీతం అందిస్తున్నాడు. టైగర్ నాగేశ్వర రావు అక్టోబర్ 20న తెలుగు, హిందీ, తమిళం, కన్నడ, మలయాళ భాషల్లో విడుదల కానుంది. ఇప్పటి వరకూ విడుదలైన అప్డేట్స్‌ ఈ సినిమాపై మంచి హైప్‌ని క్రియేట్‌ చేస్తున్నాయి.
