Malavika Sharma in Harom Hara: కొన్ని కొన్ని సార్లు హీరోయిన్ల విషయంలో అందం, అభినయం మాత్రమే కాకుండా.. అదృష్టం కూడా కీలకపాత్ర పోషిస్తూ ఉంటుంది. కొంతమంది ఒకే ఒక్క హిట్ సినిమాతో స్టార్ స్టేటస్ అందుకుంటారు.. కానీ తర్వాత ఆఫర్లు రావు. మరి కొందరు మాత్రం వరుసగా ఆఫర్లు అయితే అందుకుంటారు కానీ.. ఒక్క సినిమా కూడా సక్సెస్ కాదు.
మాళవిక శర్మ విషయంలో కూడా రెండవదే జరిగింది. మోడల్ గా తన కెరీర్ ని మొదలుపెట్టిన మాళవిక శర్మ 2018 లో నేల టికెట్ అనే సినిమాతో హీరోయిన్ గా ఎంట్రీ ఇచ్చింది. మాస్ మహారాజా రవితేజ హీరోగా నటించిన ఈ సినిమా.. బాక్సాఫీస్ వద్ద డిజాస్టర్ గా నిలిచింది. మొదటి సినిమా ఫ్లాప్ అయిన మూడేళ్ల తర్వాత 2021లో మాళవిక శర్మ రామ్ పోతినేని హీరోగా నటించిన.. రెడ్ సినిమాలో కనిపించింది.
అయితే ఈ సినిమా కూడా బాక్స్ ఆఫీస్ వద్ద పరాజయం పాలైంది. ఆ తరువాత తమిళ్ లో.. కాఫీ విత్ కాదల్ అనే సినిమాలో హీరోయిన్ గా నటించింది కానీ.. ఆ సినిమా ఆమెకు అనుకున్న స్థాయిలో గుర్తింపు తీసుకురాలేకపోయింది. ఈ ఏడాది గోపీచంద్ హీరోగా నటించిన భీమా సినిమాలో కూడా.. మాళవిక శర్మ హీరోయిన్గా కనిపించింది కానీ ఆ సినిమా కూడా… ఎంత పెద్ద ఫ్లాప్ అయిందో అందరికీ తెలిసిందే.
ఇక తాజాగా తన ఆశలన్నీ సుధీర్ బాబు హీరోగా నటించిన.. హరోం హర సినిమా మీదే పెట్టుకుంది ఈ భామ. జ్ఞాన సాగర్ ద్వారకా దర్శకత్వంలో ఈ సినిమా ఈ మధ్యనే.. జూన్ 14న థియేటర్లలో విడుదలైంది. అన్ని చోట్ల నుంచి ఈ సినిమాకి మంచి టాక్ వస్తుంది కానీ.. ఆసక్తికరంగా కలెక్షన్లు మాత్రం మరొకలా ఉన్నాయి. సినిమా ఇంక బ్రేక్ ఈవెన్ పాయింట్ కి.. చేరుకునే అవకాశాలు కూడా తక్కువగానే కనిపిస్తున్నాయి.
Malavika Sharma Career Plans:
హరోం హర సినిమా కూడా ఫ్లాప్ అవడంతో మాళవిక శర్మ కి ఇంక ఆఫర్లు వస్తాయని ఆశ కూడా పోయినట్లు తెలుస్తోంది. అందుకే కెరియర్ పాడవకుండా మాళవికా శర్మ కీలక నిర్ణయం తీసుకుందట. ఆల్రెడీ లా చదువుకున్న మాళవిక శర్మ ఇప్పుడు లాయర్ గా తన ప్రాక్టీస్ మొదలుపెట్టేసిందట.
చూస్తూ ఉంటే మాళవిక శర్మ ఇంక లాయర్ గానే తన కెరియర్ లో ముందుకు వెళ్లే లాగా కనిపిస్తోంది. మరి మధ్యలో ఏమైనా సినిమా ఆఫర్ వస్తే.. మాళవిక తీసుకునే అవకాశం ఉందో లేదో చూడాలి.
