Maidaan OTT:
బాలీవుడ్ స్టార్ అజయ్ దేవగన్ హీరోగా నటించిన మైదాన్ సినిమా ఏప్రిల్ 10వ తేదీన థియేటర్లలో విడుదలై మంచి టాక్ అందుకుంది. నిజానికి ఈ సినిమాని 235 కోట్లతో నిర్మించారు. సినిమా విడుదలయ్యాక మంచి టాక్ కూడా అందుకుంది కానీ కలెక్షన్లు మాత్రం పెద్దగా అందలేదు. ఫైనల్ రన్ లో ఈ సినిమా కేవలం 89 కోట్లు మాత్రమే వసూలు చేయగలిగింది.
దీంతో సినిమా ఫ్లాప్ అయినప్పటికీ ఓటీటీ లో చూడడానికి అభిమానులు చాలా ఆసక్తిగా ఎదురుచూస్తున్నారు. సినిమా కథ విషయానికి వస్తే హైదరాబాద్ కి చెందిన లెజెండరీ ఫుట్ బాల్ కోచ్ సయ్యద్ అబ్దుల్ రహీం జీవిత చరిత్ర ఆధారంగా ఈ సినిమా తెరకెక్కింది. అమిత్ శర్మ ఈ సినిమాకి దర్శకత్వం వహించారు. సినిమా కేవలం హిందీలో మాత్రమే థియేటర్లలో హిందీ భాషలో మాత్రమే విడుదలైంది.
సినిమా ఎలాగూ యావరేజ్ గా ఆడడంతో త్వరగానే ఓటీటీ లలో ప్రత్యక్షమైంది. కానీ హిందీలోనే ఈ సినిమా అమెజాన్ ప్రైమ్ వీడియోలో స్ట్రీమ్ అవుతోంది. తాజాగా ఇప్పుడు ఈ సినిమాని తెలుగులో కూడా విడుదల చేశారు.
నిన్న మొన్నటిదాకా అమెజాన్ ప్రైమ్ వీడియోలో కూడా ఈ సినిమా రెంటల్ బేసిస్ మీద అవైలబుల్ గా ఉంది. సినిమా చూడాలి అంటే అమెజాన్ ప్రైమ్ లో ఎకౌంటు ఉన్నా కూడా అదనపు చార్జీలు చెల్లించి మరీ ఈ సినిమా చూడాలి.
కానీ ఇప్పుడు సినిమాని ఫ్రీగా విడుదల చేశారు. హిందీలో మాత్రమే కాక మరికొద్ది భాషల్లో కూడా సినిమాని డబ్ చేశారు. అమెజాన్ ప్రైమ్ వీడియోలో స్ట్రీమ్ అవుతున్న ఈ సినిమాకి ఇప్పుడు తెలుగు ఆడియో కూడా ఉంది.
కలెక్షన్లు పెద్దగా అందక పోయినప్పటికీ సినిమాకి చాలా మంచి రివ్యూస్ అయితే వచ్చాయి. కాబట్టి ఇది చూడదగ్గ సినిమాని అని చెప్పుకోవచ్చు. ఆసక్తికరమైన విషయం ఏమిటంటే థియేటర్లలో కంటే ఈ సినిమాకి ఓటీటీలో ఎక్కువగా ఆదరణ లభిస్తుంది.
