సూపర్‌ స్టార్‌ మహేశ్ బాబు హీరోగా పరశురామ్ డైరెక్షన్‌లో వస్తున్న చిత్రం ‘సర్కారువారి పాట’. మైత్రీ .. 14 రీల్స్ వారు సంయుక్తంగా నిర్మిస్తున్న ఈ సినిమా, ఇప్పటికే కొంతవరకూ చిత్రీకరణను జరుపుకుంది. తాజాగా మహేశ్ బాబు పుట్టినరోజు సందర్భంగా, ‘బర్త్ డే బ్లాస్టర్’ పేరుతో ఈ సినిమా నుంచి టీజర్ ను రిలీజ్ చేయగా అనూహ్యమైన స్పందన వచ్చింది.
తాజాగా ఈ సినిమా తదుపరి షెడ్యూల్ షూటింగ్ ‘గోవా’లో మొదలైంది. మహేశ్ బాబు తదితరులపై ఒక యాక్షన్ ఎపిసోడ్ ను అక్కడ చిత్రీకరిస్తున్నారు. ఈ విషయాన్ని అధికారికంగా వెల్లడిస్తూ.. ఈ సినిమా టీమ్ వర్కింగ్ స్టిల్ ను విడుదల చేసింది. రామ్ లక్ష్మణ్ డిజైన్ చేసిన ఈ యాక్షన్ ఎపిసోడ్ ఆసక్తిని రేకెత్తిస్తుందని చెబుతున్నారు. తమన్ సంగీతం ఈ సినిమాకి హైలైట్‌ అవుతుంది అని అంటున్నారు. అలాగే మహేశ్ బాబుతో కీర్తి సురేశ్ కెమిస్ట్రీ బాగా కుదిరిందని చెబుతున్నారు. యాక్షన్ .. ఎమోషన్ .. రొమాన్స్ .. కామెడీతో కూడిన ఈ సినిమాను ‘సంక్రాంతి’ కానుకగా జనవరి 13వ తేదీన విడుదల చేయనున్నారు.
