సూపర్ స్టార్ మహేష్ బాబు తాజా చిత్రం ‘సర్కారు వారి పాట’. గీతా గోవిందం ఫేమ్ పరశురామ్ ఈచిత్రానికి దర్శకత్వం వహిస్తున్నాడు. పోస్ట్ ప్రొడక్షన్ పనులు దాదాపు పూర్తికావచ్చాయి. బ్యాంకింగ్ వ్యవస్థను కదిలించిన కుంభకోణాల ఆధారంగా దర్శకుడు ఈ సినిమా కథను రాసుకున్నాడు. ఇందులో మహేష్ ఓ బ్యాంకు మేనేజర్ గా కనిపించనున్నాడు. బ్యాంకులకు వందల కోట్లు ఎగ్గొట్టిన ఓ బడా వ్యాపారవేత్త దగ్గర నుంచి ఆ డబ్బును ఎలా రాబట్టాడనే అంశాన్ని ఈ చిత్రంలో పరశురామ్ చూపించబోతున్నట్లు తెలుస్తోంది. తాజాగా మరోవార్త సోషల్ మీడియాలో చక్కర్లు కొడుతోంది. మహేష్ ఈ సినిమాలో ద్విపాత్రాభియనం చేయబోతున్నాడట. భిన్న అభిప్రాయాలు కలిగిన కవలలుగా మహేష్ నటించనున్నట్లు వినికిడి. మహేష్ నటించే రెండు రోల్స్‌లో ఒకటి క్లాస్, మరోటి మాస్‌గా ఉండబోతుందట. దీనిపై స్పష్టత రావాలంటే కొంతకాలం ఆగాల్సిందే.
