వెంకీ అట్లూరి దర్శకత్వంలో హీరో నితిన్ తాజా చిత్రం ‘రంగ్‌ దే’ తెరకెక్కుతోంది. ఇందులో నితిన్ సరసన కీర్తి సురేష్ నటిస్తోంది. ఈ చిత్రం ప్రమోషన్‌లో భాగంగా ‘‘నా కనులు ఎపుడు.. కననే కనని..’’ అనే పాట లిరికల్ వీడియోను విడుదల చేశారు. అందమైన ఈ మెలోడీ సాంగ్ లిరికల్ వీడియో మహేహ్‌బాబు చేతుల మీదుగా విడుదలైంది. ఈ సందర్భంగా రాక్‌ స్టార్‌, అమేజింగ్‌ అంటూ మ్యూజిక్ డైరెక్టర్ దేవిశ్రీ ప్రసాద్, సింగర్‌ సిధ్‌ శ్రీరాం ఇద్దరినీ మహేష్‌బాబు పొగడ్తల్లో ముంచెత్తారు. డీఎస్‌పీ, సిద్‌ శ్రీరాం మంచి కాంబినేషన్‌ అంటూ అభిమానులు కామెంట్స్ చేస్తున్నారు. ఈ వీడియో సాంగ్ విడుదలైన కొద్దిసేపటికే భారీ వ్యూస్‌తో దూసుకుపోతోంది. ఈ సినిమాలోని 2 పాటలు అభిమానులను ఆకట్టుకున్నాయి. దీంతో సినిమాపై అంచనాలు పెరిగాయి. ఈ సినిమా మార్చి 26న థియేటర్లలో రిలీజ్ కానుంది.
నితిన్ మూవీ లిరికల్ వీడియోసాంగ్ రిలీజ్
