Varsham to Animal: సూపర్ స్టార్ మహేష్ బాబు మహేష్ బాబు తన కెరీర్లో కొన్ని సూపర్ హిట్ సినిమాలను వదులుకున్నాడు. ఏ హీరో అయినా తన కెరియర్‌లో.. కొన్ని సినిమాలను రిజక్ట్‌ చేస్తూ ఉంటారు. అలా వదులుకున్న సినిమాలు కొన్నయితే.. మరికొన్ని డేట్లు కుదరకనో, మరో కారణంతోనో వదిలేసుకుంటారు. అవి వేరే హీరోల వరంగా మారుతూ ఉంటాయి. వారి ఇమేజ్‌ని మర్చేసి.. వారికి పెద్ద హిట్‌లను ఇస్తు ఉంటాయి. అలా.. మహేష్ బాబు కూడా కొన్ని సినిమాలను మిస్‌ చేసుకున్నాడు.
ఇడియట్: డైరెక్టర్ పూరి జగన్నాథ్ దర్శకత్వంలో వచ్చిన చిత్రం ఇడియట్. ఈ సినిమా రవితేజను రాత్రికి రాత్రే పెద్ద స్టార్ ను చేసేసింది. కానీ ఈ కథను నిజానికి ముందుగా మహేష్ కే చెప్పాడట. కెరీర్లో సీరియస్ రోల్స్ కోసం చూస్తున్న తాను.. ఈ మాస్ మూవీ చేయలేనని మహేష్ నిరాకరించాడట. దీంతో ఆ సినిమా రవితేజకు వెళ్లింది. ఆ తరువాత పూరి డైరెక్షన్‌లో చేసిన పోకిరి మహేష్ బాబుకు కెరీర్లో బిగ్గెస్ట్ హిట్ గా నిలిచింది.
గజిని: తమిళ స్టార్ హీరో సూర్య నటించిన మూవీ గజిని. ఇందులో సూర్య నటనకు ప్రేక్షకులు ఫిదా అయిపోయారు. ఈ మూవీని హిందీలో ఆమిర్ ఖాన్ తీయగా.. అది ఇండియాలో తొలి రూ.100 కోట్ల కలెక్షన్ల సినిమాగా నిలిచింది. ఇలాంటి పాత్రను మహేష్ వదులుకున్నాడు. ఈ కథను అతడు నిరాకరించడానికి కారణమేంటో తెలియదు కానీ.. మురగదాస్ మొదట మూవీని మహేష్ తోనే తీయాలని భావించాడట.
వర్షం: రెబల్‌ స్టార్ ప్రభాస్ కెరీర్లో అతి పెద్ద హిట్ లలో ఒకటి వర్షం. శోభన్ దర్శకత్వంలో వచ్చిన ఈ సినిమా మొదట మహేష్ బాబు దగ్గరికే వెళ్లిందట. కానీ అప్పట్లో మాత్రం మూవీని రిజెక్ట్ చేశాడు. అప్పట్లో ఈ మూవీ టాలీవుడ్ లో ఓ సెన్సేషన్ గా ఈ సినిమా నిలిచింది.
యే మాయ చేసావే: అక్కినేని నాగ చైతన్య హీరోగా నటించిన చిత్రం యే మాయ చేసావే. ఈ సినిమాతో సమంత టాలీవుడ్‌కి పరిచమయైంది. గౌతమ్ వాసుదేవ్ మేనన్ డైరెక్ట్ చేసిన ఈ సినిమాను కూడా మహేష్ బాబు వద్దనుకున్నాడు. దీంతో చైతన్య అనుకోని వరంలా ఈ మూవీ దొరికింది.
పుష్ప: పుష్ప మూవీ గురించి ప్రత్యేకంగా చెప్పాల్సిన పని లేదు. ఈ పాన్ ఇండియా మూవీ ద్వారా అల్లు అర్జున్ రేంజ్ మరో లెవల్ కు వెళ్లింది. అయితే అప్పటికే మహేష్ తో వన్ నేనొక్కడినే సినిమా తీసిన సుకుమార్.. ఈ పుష్ప స్క్రిప్ట్ ను కూడా మొదట మహేష్ కే చెప్పాడట. కానీ ఈ పాత్ర స్వభావం, అందుకోసం కావాల్సిన మేకోవర్ నచ్చక అతడు నిరాకరించాడట.
యానిమల్: గతేడాది వచ్చి పాన్ ఇండియా స్థాయిలో సూపర్ హిట్ అయిన మూవీ యానిమల్. ఇందులో బాలీవుడ్ హీరో రణ్‌బీర్ కపూర్ నటించాడు. ప్రపంచవ్యాప్తంగా రూ.900 కోట్లకుపైగా వసూలు చేసిన ఈ సినిమా స్క్రిప్ట్ ను డైరెక్టర్ సందీప్ రెడ్డి వంగా మొదట మహేష్ కే వినిపించాడట. కానీ ఇందులోని హీరో పాత్ర తీరు తన వ్యక్తిగత ప్రాధాన్యతలకు పూర్తి భిన్నంగా ఉందంటూ అతడు నిరాకరించినట్లు వార్తలు వచ్చాయి.
