Mahesh Babu Rajinikanth missed movie:
సౌత్ ఇండస్ట్రీలో సూపర్ స్టార్ అంటే రజనీకాంత్, మహేష్ బాబు పేర్లు ముందుగా గుర్తొస్తాయి. అయితే వీరిద్దరూ కలసి నటించే సినిమా మిస్ అయిందని తెలుసుకుని అభిమానులు ఆశ్చర్యపోతున్నారు. అసలు ఏ సినిమా మిస్ అయింది? ఎందుకు వీరిద్దరూ కలిసి చేయలేదు? అనేదానికి సమాధానం కొరటాల శివ దర్శకత్వంలో వచ్చిన “జనతా గ్యారేజ్”!
కొరటాల శివ మొదటగా ఈ కథను మహేష్ బాబుకు వినిపించారు. కథలో మహేష్ ప్రధాన పాత్ర, రజనీకాంత్ మెంటార్ రోల్‌లో ఉండాలని దర్శకుడు భావించాడు. అయితే మహేష్ బాబుకు కథ నచ్చక రిజెక్ట్ చేశారు. ఫలితంగా ఈ కథ ఎన్టీఆర్‌కు వెళ్లింది, చివరికి మోహన్ లాల్‌ను రజనీకాంత్ స్థానంలో తీసుకుని, సినిమా 2016లో రిలీజ్ అయ్యింది.
అయితే మహేష్ బాబు, రజనీకాంత్ కలిసి నటించి ఉంటే? ఈ సినిమా సౌత్ ఇండస్ట్రీలో ఓ సంచలనం సృష్టించేదని ఫ్యాన్స్ అభిప్రాయపడుతున్నారు. మహేష్, రజనీ కాంబో అంటే బాక్స్ ఆఫీస్ దగ్గర రికార్డులు తిరగరాయడం ఖాయం. కానీ కథ నచ్చక మహేష్ వెనక్కి తగ్గడం, రజనీ అప్రోచ్ కాకపోవడం కారణంగా ఈ భారీ మల్టీస్టారర్ మిస్ అయింది.
ఇక కొరటాల శివ విషయానికి వస్తే, ప్రస్తుతం ఎన్టీఆర్‌తో “దేవర” పూర్తిచేసి “దేవర 2″పై ఫోకస్ పెట్టాడు. మహేష్ బాబుతో మళ్లీ సినిమా చేసే అవకాశముందా? వేచి చూడాలి.
