టాలీవుడ్‌ సూపర్‌ స్టార్‌ మహేశ్ బాబు ఓ ఫొటో సోషల్‌ మీడియాలో వైరల్ అవుతోంది. ఓ అభిమాని సృష్టించిన ఈ పొస్టర్‌లో ఆయన రాముడి వేషాదారణలో కనపడుతున్నాడు. చేతిలో బాణం పట్టుకుని మహేశ్ బాబు ఉన్నాడు. కరోనా విజృంభణ నేపథ్యంలో లాక్‌డౌన్‌ విధించడంతో షూటింగులు లేకపోవడంతో ప్రస్తుతం మహేశ్ బాబు ఇంట్లోనే ఈ ఖాళీ సమయాన్ని తమ కుటుంబ సభ్యులతో గడుపుతున్నాడు. ఆయన తన పిల్లలతో తీసుకున్న ఫొటోలు ఎప్పటికప్పుడు సామాజిక మాధ్యమాల్లో అభిమానులతో పంచుకుంటున్నాడు. ‘ఆర్ఆర్ఆర్‌’ రాజమౌళి తన తర్వాతి సినిమాను మహేశ్‌తో చేయబోతున్నట్లు ఇప్పటికే ప్రకటించిన సంగతి తెలిసిందే. ఒకవేళ మహేశ్ బాబుతో రాజమౌళి ‘రామాయణం’ సినిమా చేస్తే అందులో మహేశ్ ఎలా ఉంటాడన్న ఉద్దేశంతో ఓ అభిమాని ఈ పోస్టర్‌ను సృష్టించాడు.
రాముడిగా మహేశ్ బాబు..వైరల్
