సూపర్‌ స్టార్‌ మహేశ్ బాబు నటిస్తున్న తాజా చిత్రం ‘సర్కారు వారి పాట’. పరశురామ్ దర్శకత్వం వహిస్తున్న ఈ మూవీ షూటింగ్ ఇటీవలే దుబాయ్ లో ప్రారంభమైంది. మహేష్‌, కీర్తి సురేశ్ లతో పాటు ఇతర తారాగణం కూడా ఈ షూటింగులో పాల్గొంటున్నారు. తాజాగా మహేష్‌ మరో ప్రాజక్ట్ మీద కూడా దృష్టి పెట్టినట్టు వార్తలొస్తున్నాయి.
సూర్య ‘ఆకాశం నీ హద్దురా’ సినిమాకి తెలుగు మహిళ సుధ కొంగర దర్శకత్వం వహించారు. ఈ చిత్రం మహేష్‌బాబు కి బాగా నచ్చడంతో ఈ దర్శకురాలితో ఓ ప్రాజక్ట్ చేయాలని అనుకుంటున్నారట. ఈ నేపధ్యంలో మహేష్‌ ఇమేజ్ కి తగ్గట్టు పవర్ ఫుల్ సబ్జెక్టును సుధ కొంగర తయారుచేశారనీ, ప్రస్తుతం చర్చలు జరుగుతున్నాయనీ టాక్‌. ‘సర్కారు వారి పాట’ పూర్తయిన తర్వాత సుధ కొంగర దర్శకత్వంలో చిత్రం సెట్స్ కి వెళ్లచ్చని సమాచారం.
