సూపర్‌ స్టార్ మహేష్‌బాబు న్యూలుక్‌ సోషల్‌ మీడియాలో వైరల్‌గా మారింది. ఈ లుక్‌లో మహేష్‌బాబు సరికొత్త హేయిర్‌ స్టైల్‌తో అల్ట్రా స్టైలిష్‌గా ఉన్నాడు. ప్రముఖ సెలబ్రెటీ హేయిర్‌డ్రెస్సర్‌ అలీమ్ హకిమ్‌ మహేష్‌బాబు ఫోటోను సోషల్‌ మీడియాలో పోస్ట్‌ చేశాడు. మహేష్‌ కూల్‌ లుక్‌లో కనిపిస్తున్న ఈ ఫొటో సోషల్‌ మీడియాను షేక్‌ చేస్తుంది.
ప్రస్తుతం త్రివిక్రమ్‌తో ఓ సినిమా చేస్తున్నాడు. పూజా హెగ్డే ఈ సినిమాలో హీరోయిన్‌గా నటిస్తుంది. దీపావళి సందర్భంగా చిత్రబృందం ఈ సినిమా టైటిల్‌ను ప్రకటించనున్నట్లు సమాచారం. వచ్చే ఏడాది ఎప్రిల్‌ 28న ప్రేక్షకుల ముందుకు తీసుకురావాలని మేకర్స్‌ సన్నాహాలు చేస్తున్నారు.
