తెలుగు సినిమా ఖ్యాతిని ప్రపంచ స్థాయికి తీసుకెళ్లిన దర్శక ధీరుడు ఎస్.ఎస్. రాజమౌళి. ఆర్ఆర్ఆర్ సినిమా అఖండ విజయం తర్వాత రాజమౌళి తీయబోయే తదుపరి సినిమా ఏ రేంజ్‌లో ఉంటుందోనని ప్రేక్షకులు ఉత్కంఠగా ఎదురు చూస్తున్నారు.
టాలీవుడ్ సూపర్ స్టార్ మహేశ్ బాబుతో ఓ అడ్వెంచర్‌ డ్రామా తీయబోతున్నట్టు రాజమౌళి ప్రకటించారు. ఆగస్టు 9న మహేశ్ పుట్టినరోజు సందర్భంగా ఈ భారీ ప్రాజెక్టును చేపట్టబోయే అవకాశం ఉంది.
ప్రస్తుతం ప్రీ ప్రొడక్షన్ పనులు జరుగుతున్న ఈ సినిమా హాలీవుడ్ రేంజ్‌లో ఉంటుందని రచయిత, రాజమౌళి తండ్రి విజయేంద్ర ప్రసాద్ చెప్పారు.
ప్రస్తుతం రాజమౌళి నటీనటులను ఎంపిక చేసే పనిలో ఉన్నట్టు తెలుస్తోంది. ఈ చిత్రంలో ముగ్గురు హీరోయిన్లు ఉంటారని తెలుస్తోంది. కీలక పాత్రల కోసం ముగ్గురు బాలీవుడ్ నటులను తీసుకుంటారని అంటున్నారు.
