టాలీవుడ్‌ సూపర్ స్టార్‌ మహేశ్ బాబు పాట కూడా ఒకటి సరికొత్త మైలురాయిని చేరుకుంది. మహేష్‌ బాబు, రష్మిక హీరోహీరోయిన్‌లుగా నటించిన చిత్రం ‘సరిలేరు నీకెవ్వరు’. అనిల్ రావిపూడి దర్శకత్వంలో రూపొందిన ఈ సినిమా గతేడాది సంక్రాంతికి విడుదలై బాక్సాఫీసు వద్ద ఘనవిజయాన్ని సాధించింది. ఇందులో పాటలు కూడా బాగుండడంతో మ్యూజికల్ హిట్ అని కూడా అనిపించుకుంది.
ముఖ్యంగా మహేశ్, రష్మిక జంటపై చిత్రీకరించిన ‘మైండ్ బ్లాక్..’ సాంగ్ అయితే సూపర్ హిట్టయింది. ఈ పాట సినిమాకే ఇది హైలైట్ సాంగ్ అయింది. గతేడాది ఫిబ్రవరి 29న యూ ట్యూబ్ లో రిలీజైన ఈ పాట తాజాగా 100 మిలియన్ వ్యూస్ ని దాటేసింది. శ్రీమణి రాసిన ఈ పాటకు దేవిశ్రీ ప్రసాద్ సంగీతం సమకూర్చగా రెనైనా రెడ్డి దీనిని ఆలపించడం జరిగింది.
