Mahesh Babu SSMB29:
ఈ మధ్యనే గుంటూరు కారం సినిమాలో కనిపించిన సూపర్ స్టార్ మహేష్ బాబు.. మళ్లీ వెండి తెర మీద కనిపించడానికి చాలాకాలం పడుతుంది. ఎందుకంటే మహేష్ బాబు ఇప్పుడు జక్కన్న రాజమౌళితో సినిమా చేస్తున్న సంగతి తెలిసిందే. ఈ సినిమా షూటింగ్ కూడా ఇంకా పూర్తిగా మొదలవలేదు. ఇక ఈ సినిమా పూర్తయి విడుదల అయ్యేసరికి చాలా కాలం పట్టే అవకాశం ఉంది.
అయితే ఇంకా రెండు రోజులుగా సోషల్ మీడియా వేదికగా మహేష్ బాబు అభిమానులు రాజమౌళిని తెగ ట్రోల్ చేస్తున్నారు. దానికి కారణం కూడా ఉంది. నిన్న అంటే ఆగస్టు 9 న మహేష్ బాబు పుట్టినరోజు. మామూలుగా ఎవరైనా హీరో పుట్టినరోజు అయితే ఆ సినిమా చేస్తున్న దర్శక నిర్మాతలు సినిమాకి సంబంధించిన ఏదో ఒక అప్డేట్ విడుదల చేస్తూ ఉంటారు.
ఈ నేపథ్యంలోనే మహేష్ బాబు అభిమానులు కూడా రాజమౌళితో చేస్తున్న సినిమా నుంచి ఏదో ఒక అప్డేట్ వస్తుంది అని అనుకున్నారు. కనీసం సినిమా నుంచి ఒక చిన్న పోస్టర్ విడుదల చేసిన ఫ్యాన్స్ చాలా హ్యాపీ ఫీలయ్యేవారు. కానీ మహేష్ బాబు పుట్టినరోజు సందర్భంగా సినిమాకి సంబంధించి ఒక అప్డేట్ కూడా బయటకు రాలేదు.
ఈ విషయంలో ఫ్యాన్స్ చాలా నిరాశ చెందుతున్నారు. మహేష్ బాబు పుట్టినరోజు సందర్భంగా అభిమానులు మురారి సినిమాని రీరిలీజ్ చేశారు. ఆసక్తికరంగా ఈ సినిమాకి థియేటర్లలో అనూహ్యమైన స్పందన వచ్చింది. రీ రిలీజ్ లు ఇంక వర్కౌట్ అవ్వట్లేదా అని అనుకుంటున్నా సమయంలో.. మహేష్ బాబు సినిమా రీ రిలీజ్ లో కూడా రికార్డులు సృష్టించింది.
అయితే అభిమానులు ఇప్పటికీ రాజమౌళితో వచ్చేస్తున్న సినిమాకి సంబంధించి అప్డేట్ రాలేదు అని.. అప్సెట్ అయ్యారు. ఈ నేపథ్యంలోనే రాజమౌళిని ట్రోల్ చేస్తున్నారు. పర్ఫెక్షన్ పేరుతో రాజమౌళి ఒక్కొక్క సినిమాని సంవత్సరాల తరబడి తీస్తున్నారు. అయినా పర్వాలేదు అనుకున్నా కూడా కనీసం ఇలాంటి సందర్భాలలో సినిమాకి సంబంధించి అప్డేట్ ఇస్తే బాగుంటుంది అని ఫాన్స్ కామెంట్స్ చేస్తున్నారు.
