Mahesh Babu family member in Bigg Boss 18:
సల్మాన్ ఖాన్ మళ్ళీ తన బిగ్ బాస్ కొత్త సీజన్ తో ప్రేక్షకుల ముందుకు రాబోతున్నారు. ఈ సారి షో మీద భారీ అంచనాలు నెలకొన్నాయి. హౌస్ మేట్స్ విషయంలో ఎన్నో పేర్లు సోషల్ మీడియాలో హల్ చల్ చేస్తున్నాయి. అందులో ఆసక్తి పెంచిన పేర్లలో శిల్పా శిరోద్కర్ కూడా ఒకరు.
తాజా సమాచారం ప్రకారం.. ఈ సీజన్ బిగ్ బాస్ 18 లో శిల్పా కూడా పాల్గొనబోతుందని వార్తలు ఉన్నాయి. శిల్పా ఎవరో కాదు సూపర్ స్టార్ Mahesh Babu భార్య నమ్రత శిరోద్కర్ కి స్వయానా సోదరి. ఆమె బాలీవుడ్ లో 1989 లో రమేష్ సిప్పి దర్శకత్వంలో వచ్చిన భ్రష్టాచార్ సినిమాతో అడుగుపెట్టారు. ఇందులో మిథున్ చక్రవర్తి, రేఖా ప్రధాన పాత్రల్లో నటించారు.
ఆ తర్వాత ఆమె కిషన్ కనహయ్యా, త్రినేత్ర, హమ్, ఖుదా గవా, ఆంకేన్, పహ్చాన్, గోపీ కిషన్, బేవఫా సనం, మృత్యుదండ వంటి అనేక చిత్రాలలో నటించారు. సినిమాల నుండి పెద్ద బ్రేక్ తీసుకున్న తర్వాత, 2013 లో జీ టీవీ సీరియల్ ఎక్ ముత్తీ ఆస్మాన్ ద్వారా టెలివిజన్ రంగంలోకి తిరిగి వచ్చారు. ఇప్పుడు మళ్లీ బిగ్ బాస్ తో ప్రేక్షకులను అలరించడానికి రెడీ అవుతున్నారు.
గత సంవత్సరం ఖత్రోం కె ఖిలాడి లో పాల్గొన్న నైరా బెనర్జీ కూడా ఈ సీజన్ లో కంటెస్టెంట్ గా రావచ్చని టాక్ ఉంది. షోయబ్ ఇబ్రహీం, ధీరజ్ దూపర్, నియా శర్మ వంటి టీవీ ప్రముఖులు కూడా ఈ సీజన్ లో ఉండవచ్చని అంచనా.
బిగ్ బాస్ 18, అక్టోబర్ 6న ప్రారంభమవుతుందని సమాచారం ఉన్నప్పటికీ, కంటెస్టెంట్ లైనప్ ఇంకా అధికారికంగా ప్రకటించలేదు. మేకర్స్ రిలీజ్ చేసిన ప్రోమోలో ఈ సీజన్ థీమ్ కనపడింది. ఇందులో సల్మాన్ గత సీజన్ల కంటే ఈ సారి ప్రత్యేకమైన మార్పులు ఉంటాయని అన్నారు.
Read More: Bigg Boss 8 Telugu నుండి ఈవారం ఎలిమినేట్ అవ్వబోతున్న కంటెస్టెంట్ ఎవరో తెలుసా?
