Mahesh Babu Telugu:
తెలుగు సినిమా పరిశ్రమలో మహేష్ బాబు అనే పేరు ప్రత్యేకమైనది. నటనతో మాత్రమే కాకుండా తన మంచితనం తో కూడా ప్రేక్షకులను మెప్పించిన మహేష్ బాబుకు సంబంధించి ఒక ఆసక్తికరమైన నిజం ఏమిటంటే, ఆయన తెలుగు చదవడం లేదా రాయడం తెలియదు.
2015లో జరిగిన ఒక ఇంటర్వ్యూలో, మహేష్ ఈ విషయం స్వయంగా బయటపెట్టారు. చెన్నైలో పెరిగిన మహేష్ బాబుకు తెలుగు స్క్రిప్ట్ నేర్చుకునే అవకాశం దొరకలేదని చెప్పారు. అయినప్పటికీ, ఆయన తెలుగులో మాట్లాడటం బాగా వచ్చు. తన డైలాగ్‌లను దర్శకులు చెప్పినప్పుడు వాటిని జ్ఞాపకం చేసుకోవడం ద్వారా మహేష్ నటిస్తారట.
మహేష్ బాబు నటన, డైలాగ్ డెలివరీ గురించి చూస్తే తెలుగు చదవడం రాయడం తెలియనివారు అని చెప్పడం నమ్మశక్యం కాదు. శ్రీమంతుడు, పోకిరి, దూకుడు వంటి బ్లాక్‌బస్టర్ సినిమాలలో ఆయన చేసిన అద్భుత నటనకు తెలుగు ప్రేక్షకులు ఫిదా అయిపోయారు.
తెలుగు స్క్రిప్ట్ చదవడం రాకపోయినా, మహేష్ బాబు వంద శాతం తన పాత్రలలో జీవిస్తారు. ఆయన నటన నైపుణ్యం, అభిమానులతో కలవడం వంటి అంశాలు ఆయనను సూపర్ స్టార్ ను చేశాయి.
ఇప్పటి వరకు మహేష్ బాబు ఎనిమిది నంది అవార్డులను అందుకున్నారు. ఇది ఆయన ప్రతిభకు నిదర్శనం. ప్రతి సినిమాలోనూ ఒక కొత్త కోణాన్ని చూపించే ప్రయత్నంలో మహేష్ కృషి చేస్తారు. ఆరడుగుల అందగాడుగా అభిమానులను ఆకర్షించడమే కాకుండా, విలక్షణమైన నటనతో వారి హృదయాలను గెలుచుకున్నారు.
ప్రస్తుతం మహేష్ బాబు SSMB29లో ఎస్.ఎస్. రాజమౌళి దర్శకత్వంలో నటిస్తున్నారు. ఈ భారీ ప్రాజెక్ట్ పై అభిమానులలో అంచనాలు ఆకాశాన్ని అంటుతున్నాయి.
ALSO READ: Bigg Boss 8 Telugu లో ఆఖరిలో ఉన్న ముగ్గురు హౌస్ మేట్స్ వీళ్ళే!
