సూపర్ స్టార్ మహేష్ బాబు – త్రివిక్రమ్ కాంబినేషన్‌లో దాదాపు 12 ఏళ్ల తరువాత #SSMB28 అనే వర్కింగ్ టైటిల్ తో ఓ భారీ మూవీ రూపొందుతున్న సంగతి తెలిసిందే. రెండు నెలల క్రితం లాంఛనంగా పూజా కార్యక్రమాలు జరుపుకున్న ఈ మూవీ రెగ్యులర్ షూటింగ్ సోమవారం లాంఛనంగా మొదలైంది. దీని కోసం రామోజీ ఫిల్మ్ సిటీలో ప్రాజెక్ట్ డిజైనర్ ఏ.ఎస్. ప్రకాష్ నేతృత్వంలో భారీ సెట్ ని ఏర్పాటు చేశారు. ఇందులోనే ప్రస్తుతం యాక్షన్ సన్నివేశాల చిత్రీకరణ మొదలైంది.
ఈ విషయాన్ని వెల్లడిస్తూ.. చిత్ర బృందం ‘ఆరంభం’ పేరుతో ఓ వీడియోను విడుదల చేసింది. అంతే కాకుండా సోషల్ మీడియాలో విడుదల చేసిన ఈ వీడియోకు #SSMB28Arambham అంటూ హ్యాష్ ట్యాగ్ ని జోడించింది. ఇదికాస్తా.. వైరల్ గా మారి ట్రెండింగ్ గా మారింది. దీంతో ఈ మూవీపై సరికొత్త చర్చ మొదలైంది. సినిమాకు ‘ఆరంభం’ అనే టైటిల్ ని ఫైనల్ చేస్తున్నారు కాబట్టే హ్యాష్ ట్యాగ్ తో నెట్టింట వైరల్ అయ్యేలా చేశారనే కామెంట్‌లు వినిపిస్తున్నాయి. తమన్ సంగీతం అందిస్తున్నారు.
