టాలీవుడ్‌ సూపర్‌స్టార్‌ మహేశ్-త్రివిక్రమ్ కాంబినేషన్‌లో వచ్చిన ‘అతడు’, ‘ఖలేజా’ సినిమాలు విమర్శకుల ప్రశంసలు అందుకుంది. తాజాగా మహేశ్ బాబు-త్రివిక్రమ్ కాంబోలో వస్తున్న మూడో సినిమాకు గురువారం (ఫిబ్రవరి 3) పూజా కార్యక్రమాలతో లాంఛనంగా ప్రారంభమైంది. అయితే ఈ పూజాకార్యక్రమాలకు మహేశ్ బాబు హాజరు కాలేదు. మహేశ్ భార్య నమ్రత ఈ కార్యక్రమంలో పాల్గొన్నారు. ఈ సినిమా హారికా అండ్ క్రియేషన్స్లో వస్తున్న ఏడో మూవీ కాగా హీరోగా మహేశ్ బాబుకు 28వ సినిమా. ఇదిలా ఉంటే ఈ సినిమా అతడుకు సీక్వెల్గా పుకార్లు వినిపిస్తున్నాయి. 2005లో బ్లాక్ బస్టర్ హిట్గా నిలిచిన ఈ ‘అతడు’ సినిమాకు కొనసాగింపుగా తీయాలని తివిక్రమ్ భావిస్తున్నట్లు సమాచారం. అంతేకాకుండా ఈ చిత్రానికి ‘పార్థు’ అని టైటిల్ పెడుతున్నట్లు గుసగుసలు వినిపిస్తున్నాయి. మరీ ఇందులో నిజమెంతుందో వేచి చూడాలి.
