టాలీవుడ్‌ యంగ్‌ హీరో నితిన్ నటించిన తాజా చిత్రం ‘మాచర్ల నియోజక వర్గం’. ఆయన సొంత బ్యానర్లో నిర్మితమైన ఈ సినిమాతో దర్శకుడిగా రాజశేఖర్ రెడ్డి పరిచయమవుతున్నాడు. పోలిటికల్ డ్రామా తెరకెక్కుతున్న ఈ సినిమాలో నితిన్ ప్రభుత్వ అధికారిగా నటించాడు. కేథరిన్ – కృతి శెట్టి ఈ సినిమాలో హీరోయిన్‌లుగా నటించారు.
ఈ సినిమాను ఆగస్టు 12వ తేదీన భారీస్థాయిలో విడుదల చేయనున్నారు. ఈ నేపథ్యంలో ఈ సినిమా నుంచి ‘మాచర్ల ధమ్కీ’ పేరుతో ఒక వీడియోను విడుదల చేశారు. ఇక ట్రైలర్ ను ఈ నెల 30వ తేదీన రిలీజ్‌ చేయనున్నట్లు ఈ వీడియో ద్వారా తెలియజేశారు. మహతి స్వరసాగర్ ఈ సినిమాకి సంగీతాన్ని అందిస్తున్నాడు. ఈ సినిమా నుంచి ఇటీవల వదిలిన అంజలి ఐటమ్ సాంగ్ కి మంచి స్పందన వచ్చింది. సముద్రఖని పోషించిన ‘రాజప్ప’ పాత్ర ఈ సినిమాకి హైలైట్ అని అంటున్నారు.
